Минграция службаса лунöн!

Талун тырö 20 во, кыдзи Россияса президентлöн тшöктöм серти Россияын лöсьöдiсны миграция служба. 2006 воын быд республикаын да обласьтын котыртчисны сылöн управлениеяс. Сэки жö паспорт-виза службалöн могъяс вуджисны выль службалы. Тавося февральсянь районса миграция службалöн юкöнöн веськöдлö Елена Дмитриевна Зубко, кодi пытшкöсса делöяс юкöнын уджалiс 1995 восянь. Старшöй специалистöн лоö Галина Александровна Липина. Наталья Владимировна Кулалаева — старшöй инспектор. Котырын медся ыджыд опыта — специалист Нина Николаевна Нестерова, кодi вöчö тайö уджсö 25 воысь унджык. 15 во нин администраторалö Ирина Геннадьевна Малей.

Сетöны кыпыда 14 арöса ныв-зонлы паспорт, вежöны сiйöс арлыд тырöм бöрын, сувтöдöны учёт вылö бокиысь локтысьясöс, видзöдöны удж сетысьяс бöрся, кодъяс дорын зiльöны суйöр сайысь воысьяс, да с.в.

Тайö лунö чолöмаласны ветеранъясöс — Мария Петровна Кармановаöс, Евдокия Степановна Рассыхаеваöс, Иван Иванович Ногиевöс. 14 арöса ныв-зонлы, паспорт вежысьяслы сетасны Россияса гражданинлысь паспорт, казьтыласны важсö.

Авторлöн снимок вылын: (сулалöны шуйгавывсянь веськыдвылö) Г.А.Липина да Н.Н.Нестерова, (пукалöны шуйгавывсянь веськыдвылö) Е.В.Кулалаева да Е.Д. Зубко.