Февраль 20-23 лунъясö ГИБДД-лöн районса юкöнысь инспекторъяс сувтöдлiсны 200 сайö машина да казялiсны 50 торкöм.
Кыкöн руль сайö пуксисны код юрöн, куимöн машинаöн веськöдлiсны правотöг, куимöн челядьöс нуисны кутöдтöг. Туйвывса правилöяс торкис 13 пода морт.

Кольöм воын ГИБДД-лöн юкöн урчитöм кадö штрап вештытöмысь мирöвöй судö мöдöдiс 325 административнöй материал.
Судлöн кывкöртöд серти 25 мортöс йöртлiсны мыж вöчысьясöс мыйкöдыра видзанiнö, 43-öс уджöдiсны быть, а мукöдсö вештöдiсны судöн урчитлöм штрапсö кык пöвстöн.

Март 1 лунö 20 часын «Юрган» телеканал вылын петас «Восьса сёрни» программа.
Республикаса олысьяслöн юалöмъяс вылö, кодъясöс позьö сетны «Юрганлöн» «ВКонтакте» котырын (http://vk.com/club11948594), вочавидзас республикаса юралысьлысь удж вöчысь Сергей Анатольевич Гапликов.

Февраль 18-20 лунъясö Сыктывкарса «Ренова» шöринын мунiс 1981 воын да водзынджык чужлöм нывбабаяс пöвстын баскетболысь ордйысьöм.
Петкöдчисны Архангельск обласьтысь, Сыктывкарысь да Кулöмдiн районысь котыръяс. Районъяс пöвстысь Кулöмдiнса котыр, кытчö пырöны Озъягысь Алёна Скрыгонюк, Наталья Нестерова, Ксения Повышева, «Кулöмдiн» овмöдчöминысь Светлана

Читать далее →