Июль чöж юрсиктса Гагаринлöн улич вылын сöстöммöдöны челядьлысь шойччанiн.
Та вылö федерацияса бюджетысь вичмис 278,5 сюрс, республикасаысь — 358,5 сюрс, районсаысь 202,5 сюрс да асшöр уджалысьяс сетiсны 100 сюрс шайт. Бать-мам да томъяслöн котыр пелькöдiсны, а айлов вöчисны гуранъяс вомöн

Читать далее →

Таво шöр бурдöдчанiн мöдöдiс велöдчыны врачьясö школа помалысь 8 мортöс.
Архангельскса медуниверситетлысь пинь бурдöдан да бурдöдан факультетъяс бöрйисны кыкöн, Кировса медакадемиялысь бурдöдан факультет — квайтöн.
Врачö велöдчöм куим морт таво пырас интернатураö.

Туй вöчан да дзоньталан Кулöмдiнса юкöн уджалö юрсиктса Стрöительяслöн улича вылын.
Кусöдчысьяслöн керкасайса шорсянь кывтыдланьö 1,1 километр кузьта туй вылын лöсьöдас водзтi пуктöм труба, пыкас, мед оз мун ваöн лыа, вольсалас мыйтакö выль асфальт, тыртас гуранъяс.

Июль 20 лунö кебанъёльсаяс видлалiсны вöзйöмъяс, кодъясöс позяс пöртны олöмö «Йöзкостса бюджет» бала пыр.
«Ловъя ва» балаöн петкöдчис «Сплав» асвеськöдлан котырöн юрнуöдысь О.П.Попова. Сэнi урчитöма нюжöдны Сосновöй улича вылын öти километр кузя ва визь. Е.К.Ковач сёрнитiс посёлокса шойна сöстöммöдöм-бурмöдöм йылысь.

Читать далее →

Вылыс Вочса «Комиагрорегион» кооператив заптiс нин 50 тонна турун.
Пуктысьöны техникаöн 8 километр ылнаса видзьяс вылын, рытнас вайöны да сюйöны лэбулö, зорöдалöны. Воч юсайса видзьяс вылын уджалöны кипомысь да вöлöн. Сэтысь турунсö ваясны тöвнас.