Школаö пырысьяслы отсöг
Челядьлы да семьялы социальнöй отсöг сетан юкöн август чöж чукöртiс школаö мунiгкежлö коланторъяс.
Районса олысьяс вайисны кöм-пась, тетрадьяс, ручкаяс да с. в. Август помöдз вайöмсö сетасны судзсьытöма, уна челядя, öткöн быдтысь семьяясысь школаö сизим пырысьлы.
Бурмöдасны туй
Кулöмдiнса катыдпомысь асвеськöдлан котырлы, кодöн юрнуöдö Е.А.Мишарина, районсянь вичмис 160 сюрс шайт.
Сы вылö сентябрын бурмöдасны Полевöй уличалысь 260 метра туй. Кольöм воын тадзи жö сетлöм сьöм вылö бурмöдiсны Западнöй улича.
Медся бур «Чародей»
Кулöмдiнса сортоучастокын керисны картупель.
Таво пуктылiсны «мöд няньлысь» кöкъямыс сорт. Быдмисны бура. Медся бура воис «Чародей», кодлы эз кöвъясь некутшöм висьöм. Омöля висисны «Аврора» да «Рябинушка». Таво эз вöв колорадоса гаг.
Свежий выпуск: 25 апреля
Осторожно — мошенники!
