Февраль 5-8 лунъясö Москваын мунiс наукакöд да туясьöмкöд йитчöм уджъяса Ставроссияса конкурслöн бöръя юкöн, кытчö чукöрмылiс асланыс велöдысьяскöд 800 гöгöр велöдчысь. Республикаысь петкöдчис республика тшупöдын вермысь 11 велöдчысь. На лыдын «Миян сиктын ставнысö век шулiсны сиктса ног» уджöн и Улыс Вочса шöр школаын 11-öд класса велöдчысь Наталья Логинова.
— Донъялысьяс зэв сюся кывзiсны быдöнöс, — висьталiс Наталья. — Ме босьтчи висьтасьны комиöн да тадзи жö сигöртi. Тайö, тыдалö, воис сьöлöм выланыс учёнöйяслы, велöдчисны весиг шуны «Видза оланныд» да «Аддзысьлытöдз».
Но медсясö вöрзьöдiс найöс корсьысян уджлöн джуджыд мöвпыслöн ыджыд тöдчанлуныс. Сiйö лоис медбуръяс лыдын, мыйысь Натальялы вичмöдiсны зарни медаль, диплом да козин. Став вермысьлы бöрынджык вичмöдасны президентлысь премия.
— Менам вермöмын ыджыд пайыс и коми кыв да литература велöдысь Т.Г.Морохиналöн, школаын книга сеталысь А.М.Шебыревалöн, школаса директор Ж.В.Ревенялалöн, велöдан управлениеса начальник О.В.Лебедевалöн, бать-мамлöн, ёртъяслöн, кодъяс ышöдiсны да быдногыс отсалiсны. Москваö ветлöм коляс вежöрö дыр кежлö югыд пас: выль ёртъясöс аддзöмысь, автобусöн тöдчана да мичаинъясö волöмысь, Третьяковскöй галереяö пыралöмысь, Кремльса дворечын «Лым ныв» балет видзöдöмысь, — шуис Наталья Логинова.
Галина НЕСТЕРОВА.
Снимок вылын: А.М.Шебырева да Н.Логинова.
Читать далее →

Памятная дата России. День памяти о россиянах, исполнявших служебный долг за пределами Отечества. В этот день в 1989 году советские войска были выведены из Афганистана.

Читать далее →

Февраль 8 лунö Сыктывкар-Мылдiн туйлöн 178 километр вылын пырис туйбокса лым толаö да путкыльтчис «Лада Приора».
Водитель вöлi садь, руль сайын квайт во. Доймалiсны сыкöд мунысь кык ань. Ставныс вöлi пысасьöмаöсь тасмаöн.

Февраль 3 лунö республикаса общественнöй примитанiнлöн районса юкöнöн веськöдлысь А.А. Кузнецова, йöзлы социальнöй услугаяс сетан шöринöн веськöдлысь С.М.Панюкова да олöма йöзлöн районса котырöн юрнуöдысь Г.А.Кравченко аддзысьлiсны Дзольса да Габовса олысьяскöд.
А.А.Кузнецова висьталiс республикаса правительство, сылöн уджын да уджлöн тэчасын вежсьöмъяс,

Читать далее →