Тавося медводдза кварталын страхуйтан котыръясö шыöдчис 12 водитель, кодъяс веськалiсны туйвывса неминучаö да асьныс европротокол серти гижисны-серпасалiсны лоöмторсö.
Пасъям, мый тадзи вöчсьö кольöм вося июльсянь туйвывса правилöясö вежсьöмъяс пыртöм бöрын. Тадзи оз ков корны ГИБДД-са инспекторъясöс. ГИБДД-лöн районса юкöнö шыöдчысьяслöн лыд тöдчымöн чинiс.

Юрсиктын тупкисны Стрöитчысьяслöн-2 улича да Дорожнöй туйкост.
Сы могысь, мед тулыснас машинаяс эз пасьвартны туй, кодöс кольöм воын босьтчис вöчны асшöр уджалысь Р.В.Третьяков, сюйис трубаяс. А тöвнас ваялiс лыа да галяиз. Му косьмöм бöрын вольсалас вайöмсö, топöдас да шыльöдас.

Кыдзи юöртö республикаса правительстволöн да юралысьлöн пресс-служба, Кулöмдiн районын öтув вöдитчан туй вывтi ёна сьöкыд машинаяслысь ветлöм дугöдласны 45 лун кежлö — апрель 14 лунсянь май 28 лунöдз.
Тайö кадö ёна бур туй вывтi позьö мунны машинаöн, кодлöн быд ось

Читать далее →

Бура тöвйис сортучастоклöн картупель.
Таво вöдитасны 14 сорт. «Глория», «Рябинушка», «Чариот», «Снегирь» да «Аврора» пуктылiсны нин, лöсялiсны районын быдтöм вылö, воис бура. Таво пуктасны öкмыс выль сорт.

— Война дырйи уджалi нархозучётын районса инспекторöн, кывкутi районысь 24 сиктсöвет, 32 уджалан котыр, 82 колхоз вöсна. Тшöтайтчи-артаси. Волi районлöн быд пельöсö. Бухгалтералi Кулöмдiнса сиктсöветлöн исполкомын, орсын да кусöдчысьяслöн часьтын, 21 во вöлi коммунистъяслöн котырса секретарöн. Уджалi 47 во да 9 тöлысь, шойччыны петi 63 арöсöн, — казьтылiс юрсиктын медся дыр олысь Александра Ивановна Липина, кодлы апрель 6 лунö тырис 95 арöс.
Сiйöс нимöдiсны-ыдждöдлiсны Госсöветса депутатъяс Д.А.Шатохин да В.А.Косов. Пöсь кывъяс висьталiс да Россияса президент В.В.Путинсянь чолöмалан гижöд сетiс районса администрацияöн веськöдлысь С.В.Рубан. Чолöмалiсны олöмаяслöн районса котырöн юрнуöдысь Г.А.Кравченко да «Кулöмдiн» овмöдчöминлöн администрацияöн веськöдлысьлысь могъяс олöмö пöртысь В.П.Нестеров, «Коми республикаын биысь доръян федерацияса службалöн 7 отряд» котырса начальник А.А.Тимушев да мукöд.
Гижöд да снимок Марина ДАДАШОВАЛÖН.
Читать далее →