Тшöкыдджыка йöз веськалöны йи вылö, медым дженьдöдны туй либö тöлын чери кыйигöн.

Зумыд кöдзыд поводдя сувтöм бöрын морт вермöкутчысьны 4-5 сантиметра кызта йи вылын. 8 сантиметра йи вермö кутны орччöн кык сулалысьöс, 12-14 сантиметраа – вит-сизимöс.

Медтопыдöн лыддьысьö лöз да турувиж рöм сикаса югыд йи, кодi артмöма кöдзыд да лöнь поводдя дырйи. Ульдöм да зэр мунöм бöрын йиыс лоö дзик еджыд, мукöддырйи – виж рöм сикаса. Ёна ковтöг оз ков петны тувсовъя да арся йи вылö.

Кутöй тöд вылын: дзик еджыд йи кокньыдджык пырыс тыдаланаысь. Артмö сэтшöмыс дыр лым усьöм бöрын. Татшöм йиыс потö шытöг.

Йи веркöсыс кö абу лымъялöма, позьö аддзыны, кыдзи кок улын артмöны ичöтик потöмъяс. Тшöтш позьö кывны негора ратшмунöм. Татшöм йи вылö позьö сувтны, абу кö мöд туй. Но артмöны кö кольча кодь потöмъяс – энö мунöй водзö!

Ёна вöсни йиыс — лым тола улын, кыркöтша берег дорын, юяслöн да шоръяслöн вом дорын, креж дорын, ваö усьöм да кынмöм пуяс дорын, некымын визув öтлаасьöминын, сэнi, кöнi ваыс гыалö да кынмö дырджык.

Ёна вöсни йиыс сэнi, кытчö юö усьö промышленнöй ва. Сэтшöминъясын лöсьöдöма труба, йиыс восьса, артмö ру, тыдалöны ваувса быдмöгъяс. Татшöм местаысь колö мунны ылöджык, сы вöсна мый йи улын шоныд ваыс ёна паськалö да сывдö сiйöс.

Кöдзыд поводдя дырйи кокньыда позьö аддзыны ювывса восьсаинъяссö ру петöм вöсна. Но а лым вылын пемыд чут артмöм петкöдлö, мый йиыс танi вöсни.

Ю дорö лэччыны колö сэтшöм местатi, кöнi абу лым. Мöдарö кö, вильсмунöм да исковтöм бöрын, позьö веськавны восьсаинö.

Туй бöрйигöн мунöй талялöм ордымтi. Мунанныд кö машинаöн, веськöдчöй артмöм нин кöльöса туйö.

Онö кö тöдöй йилысь кызтасö, колö мунны öткöн. Кык морт костын мед вöлi 5 метра. Мыш выланыд кö ракноп, кульöй öти волыссö (лямкасö), медым тi кокниа верминныд шыбитны сiйöс ас вылысь. Став сьöкыдсö зептъясысь вештöй сумкаö.

Лыжи кöртöдъяссö колö разьны, кияссö кыскыны бедь пекляысь.

Йи вывтi мунöй видзчысьöмöн: небыда, кокни воськовъясöн.

Гежöда йи потö здукöн: медводз кылö потöм, сэсся йиыс пуксьö, вежсьö рöмыс да кыптö ва. Та бöрын колö бöрöньтчыны да мунны ас кок туйöд.

Йи потöм бöрын колö шыбитны став сумка да ноп, водны кынöм вылö, паськöдны кияс да кыссьыны лёкинысь ылöджык. Мунöй сöмын сэтчö, кытысь локтiнныд.

Кутам лача, мый тайö индöдъясыс отсаласны тiянлы! Видзöй асьнытö да ассьыныд дзоньвидзалунтö!

Биысь видзчысян служба да войтырöс доръян республикаса веськöдл