Вужвыйöн дзоньталöм бöрын юрсиктса «Подарки» лавка нинöмöн оз торъяв карсаясысь. Став вузалантор да налысь дон сюйöма компьютерлöн программаö. Ньöбасьысь босьтö коланаторсö ачыс. Арталö компьютер. Вузасьысь оз вермы вежлавны дон. Петанiнö сувтöдöма оборудование, кодi пыр жö юöртö, мортыс кö эз вештысь либö гусялiс. Выльтор кокньöдiс вузасьысьлысь удж, воис сьöлöм вылас ньöбасьысьяслы.

Лавка кутысь Зинаида Борисовна Родионова районса асшöр уджалысьяс пöвстын медводз лöсьöдiс татшöм вузасьöмсö. Отсалiс Янис пиыс, кодi та кузя велöдчис Сыктывкарса кооперативнöй техникумын.
З.Б.Родионова асшöр уджö босьтчис 1994 воын, восьтлiс нуръясянiн öтувъя пывсянын, да дзоляник вузасянiн гостиница водзын. Ас вылö жö уджалысьяс Р.В.Третьяковкöд да А.В.Русиновкöд кыпöдiсны öти вевт улö вузасянiн, кытчö пырис 2000 воын. Вузасис кöлуйöн, но дугöдчис. Йöзлöн корöм серти вайö тöвар, кодi колö быд лун да лöсялö козин вылö. Эм мый бöрйыны.
Гижöд да снимок Марина Дадашовалöн.