Октябр öкмысöд лунö Носимса крестьянин овмöс кутысь А.М.Бабаханов медводзöн восьтiс начкысянiн.

Ставсö видзöдлöм бöрын примитöм йылысь акт сетiс республикаса ветслужба. А.М.Бабаханов корöмъяс серти порсь начкысянiнсö выльмöдiс-ыдждöдiс, мед начкыны и мöсъясöс. Кольöм воын видз-му овмöс министерство скöт карта кыпöдöм вылö сетiс матö 900 сюрс шайт, таво начкысянiн выльмöдöм вылö — 240 сюрс шайт. Районса администрация отсалiс лизингöн, мед крестьянин овмöс кутысь ньöбис транспорт.
Талун А.М.Бабахановлöн овмöсын 10 мöс, 9 кукань, 34 ыж, 17 кöза. Сiйö кутас начкыны скöт и ассьыс, и, шыöдчасны кö, кооперативъяслысь да ас овмöсъяслысь.