Тимшерын водзö кыпалö тир.
Босьтчылiсны сiйöс вöчны кольöм вося арын. Кулöмдiнысь ас вылö уджалысь И.А.Зайковлöн котыр лэптiс керкасö подувсянь вевт улöдз. Öнi вöчöны пытшкöссö. Уджъяс сигöртасны гожöмнас. Тир лоö оз сöмын районса, но и республикаса тöдчанлуна: татшöмсяма лыйсянiныс, кöнi быдтöны том спортсмен-лыйсьысьясöс, абу на. Танi лоасны кöкъямыс лыйсян пас, очкояс пасъялан электроннöй пöв. Тирын, томуловöс велöдöм кындзи, кутасны нуöдны районса да республикаса ордйысьöмъяс.