Ыджыд кадколастöн уна ва визувтiс, вужвыйöн вежсис страналöн олöм. Редакциялы, кыдзи и районса став олысьлы, вичмылiсны и тöжд-могыс, и нимкодьлуныс. Но газет пыр вöлi районлысь олöмсö, танi зiльысь йöзлысь уджсö петкöдлысьöн да нимöдысьöн. «Парма горöс» збыльысь позьö лыддьыны Эжва йывса войтырлöн газетöн, сы вöсна мый миянлы гижöны районлöн быд пельöссянь, юксьöны выльторъясöн, шыöдчöны отсöгла, юöртöны бур йöз йылысь.
Тöдам, миян лыддьысьысьяс пöвстын эмöсь сэтшöм семьяяс, кöнi газетсö судзöдöны, нинöм вылö видзöдтöг, оз öти дас во — медводз «Вöр фронт», сэсся «Ленин туйöд» да «Парма гор». Корам тiянöс юксьыштны газеткöд йитчöм лоöмторъясöн. Медся интереснöй письмöяс йöзöдам «Парма горлöн» лист бокъяс вылын тшупöда паслы сиöм номерын, кöнi сiдзжö нимöдам миянлы отсасьысьясöс — внештатнöй корреспондентъясöс.
«Парма горлöн» öнi абу кокни вояс: содö почта пыр судзöдöм вылö дон, та вöсна чинö тираж. И медся ыджыд козинöн «районкалöн» чужан лун кежлö лоö сы вылö водзö гижöдчöм да лыддьöм.
Ми ваям сöмын бур юöръяс.
Пыдди пуктöмöн,
«Парма гор» газетлöн редакция.