Пыдди пуктана Лидия Егоровна!
Меным нимкодь чолӧмавны Тіянӧс да «Парма горын» зільысьясӧс кыпыд пасӧн – газетлы 85 арӧс тырӧмӧн!
Миян район да газет тшӧтшъяӧсь, а сідзкӧ тшӧтш мунісны кузь да сьӧкыд туй. Газет лист бокысь эжвайывсаяс 85 во вермӧны лыддьыны выльторъяс, мый керсьӧ республикаын да районын, коді водзмӧстчӧ уджын да олӧмын, а коді кольччӧ. Сідзжӧ «Парма гор» сетӧ позянлун тӧдмасьны сьӧлӧмӧ йиджан кывбуръясöн да висьтъясöн, кодъясӧс лӧсьӧдісны кыдзи нималана нин Василий Лодыгин, Александр Шебырев, Вячеслав Бабин, Эдуард Тимушев, Александр Лужиков, сідз и сӧмын на заводитысь том гижысьяс.
Эска, мый водзӧ лоӧ позянлун лыддьыны «Парма гор» газет чужан кыв вылын, мый лыддьысьысьяслӧн лыд содас, том йӧз окотитӧмӧн пырӧдчасны газетлӧн уджӧ.
Став сьӧлӧмсянь сиа «Парма горын» ӧні уджалысьяслы, ветеранъяслы да став лыддьысьысьлы зумыд дзоньвидзалун, водзӧ вылӧ пыр сӧвмыны, став падмӧгсӧ венны, мӧд та мында на овны.
Кузь нэм да бур шуд тіянлы!

Наталья Шахова
да Кулӧмдін землячествоӧ пырысьяс.
Ноябр 6-ӧд лун, 2014 во