Июнь 17 лун — медицинаса уджалысьлöн лун

Елизавета Николаевна Ногиева Сыктывкарса медучилище помалöм бöрын 16 во уджалiс медсестраöн хирургия юкöнын, 2004 восянь реанимация юкöнын анестезистка. Операцияöдз висьысьлы вöчö уколъяс да лöньöдö дой. Урчитöм кадö вöчö найöс и операция бöрын.
Читать далее →

Эжва йывса слава

Пелагея Степановна Карманова

Чужис 1922 вося октябр 15 лунö Немдiнын. Велöдiс Выльгортса, Кузьмылькса, Немдiнса, Югыдъягса школаясын.

Верöсыскöд быдтiс да велöдiс нёль челядьöс.

Бур уджысь сетiсны <За доблестный труд в годы Великой Отечественной войны 1941-1945 г.г.>, <Уджвывса ветеран> да юбилейнöй медальяс, почёт грамотаяс.
Читать далее →

Минграция службаса лунöн!

Талун тырö 20 во, кыдзи Россияса президентлöн тшöктöм серти Россияын лöсьöдiсны миграция служба. 2006 воын быд республикаын да обласьтын котыртчисны сылöн управлениеяс. Сэки жö паспорт-виза службалöн могъяс вуджисны выль службалы. Тавося февральсянь районса миграция службалöн юкöнöн веськöдлö Елена Дмитриевна Зубко, кодi пытшкöсса делöяс юкöнын уджалiс 1995 восянь. Старшöй специалистöн лоö Галина Александровна Липина. Наталья Владимировна Кулалаева — старшöй инспектор. Котырын медся ыджыд опыта — специалист Нина Николаевна Нестерова, кодi вöчö тайö уджсö 25 воысь унджык. 15 во нин администраторалö Ирина Геннадьевна Малей.
Читать далее →

Эжва йывса слава

Елизавета Николаевна Гуляева

Чужис 1927 вося сентябр 26 лунö Донын. Быдсяма удж вичмис <Вермасьöм> колхозын, вöлi Кебанъёльса бурдöдчанiнын санитаркаöн, завхозöн, Кужса кылöдчан рейдын рабочöйöн, улыс да вылыс складын увйысьысьöн, дежуритiс милициялöн Кулöмдiнса охрана юкöнын. Социалистическöй ордйысьöмын вермысь, коммунистическöй уджвывса ударник.
Читать далее →

МИЯН ЙÖЗ

Кебанъёльысь Владимир Николаевич да Елена Анатольевна Ильинъяслöн нёль челядя семья. Петкöдчисны «Уна челядя медбур семья» республикаса конкурсын.

Владимир Николаевич сизим во нин уджалö Югыдъягын предприниматель В.В.Белый дорын финскöй техника вылын операторöн. Елена Анатольевна веськöдлö школаса столöвöйöн. Дмитрий пиныс велöдчö Сыктывкарса медколледжын фельдшерö. Армияын служитöм бöрын мöвпалö велöдчыны врачö. Татьяна велöдчö витöд классын. Ёртасьö спорткöд: радейтö баскетбол, дзюдо, каратэ. Петкöдчылiс районса ордйысьöмъясын, петалiс вермысьяс лыдö. Костя да Даниил котралöны садйö.
Читать далее →