Июнь 8 лун -социальнöй уджалысьлöн лун
Помöсдiнысь Антонина Васильевна Комякова (снимок вылын) сизимöд во нин социальнöй удж кузя специалист. Сiйöс бура тöдöны Помöсдiн вожса олысьяс. Пыр йöз пöвстын, пыр кутшöмкö тöжд да мог.
— Абу кокни, — шуис Антонина Васильевна. – Удж бöрын локта да гортсаяслы шуа: «Эн вöрзьöдöй менö кöть кык час». Унатор сьöлöм пырыд лэдзан, ас пытшкад кутан. Миян службаса йöзлы кадысь-кадö аслыныс колö психологическöй отсöг. Медводдза восö вöлi сьöкы, но пыр юаси удж кузя ёртъяслысь, ставыс вочасöн ладмис. Нок помтöм. Уджалам пöрысьяскöд, кагаяскöд, верстьöкöд. Ме думысь, та ыджда вожын колö унджык специалист. Ёна отсасьöны йöзлы социальнöй уджалысьяс — администрация пасьта 15 морт. Ставöн кывкутысь йöз. Сиа миян службаса став уджалысьлы ыджыд кутöд, йöз дорö сибыдлун, дзоньвидзалун да шуд.

Читать далее →

МИЯН ЙÖЗ
— Вöр — миян озырлун. Став олöмным йитчöма сыкöд. Сылысь сöстöмлунсö колö видзны быдöнлы. Пöрöдiн кö вöр, колö весавны, выльысь садитны пуяс, мый и вöчö миян лесничество, — висьталiс Кулöмдiнса лесничествоысь инженер Надежда Алексеевна Плотникова.
Ачыс Киров обласьтысь.

Читать далее →

Раиса Ивановна Ногиева

Чужис 1931 вося январ 5 лунö Сыктывдiн районса Часовоын. Сыктывкарса кооперативнöй техникум помалöм бöрын уджалiс Кулöмдiнса райпотребсоюзын, Сыктывкарторгын бухгалтерöн, партиялöн Кулöмдiнса райкомын партучёт юкöнöн веськöдлысьöн, витöд номера ПМК-ын бухгалтерöн, райисполкомса председательöс вежысьöн, вузасян юкöнöн веськöдлысьöн. Бöрйылiсны районса да сиктса сöветъясö депутатöн.
Читать далее →

Гöри ты

Войвыв Кöтйöм ю вомсянь куим километрöн вевдорасджык, веськыдладор берегас виска ты. Танi водзтi вöлiны кылöдчан конторалöн, кодi котыртiс да нуöдiс районын, тшöтш и Кöтйöм вожын, кылöдчан уджъяс, став коланаторъясöн складъяс (материальнöй юкöн, запаснöй часьтъяс, уджалан кöлуй, сёян-юан). Татчöдз вайöмсö разöдлiсны водзö — мукöд посни и гырысь юяс вылö. Складъяс кындзи вöлiны и оланiнъяс, сы вöсна мый öтырышъя бергöдчисны йöз да налы колiс шойччыштны. Вöлiны юрсюянiнъяс и овмöс вöсна кывкутысьяслöн да сiйöс видзысьяслöн. Öти кывйöн кö, керка чукöрсö да складъяссö позис шуны ичöтик посёлокöн. Збыльвылас шуисны роч ногöн перевалочнöй базаöн.
Читать далее →

Тамара Ивановна Карманова

Чужис 1953 вося апрель 8 лунö Донын. Сыктывкарса мöдöд номера педучилище  бöрын нелямын во уджалiс Югыдъягса садйын воспитательöн, веськöдлысьöн. Бöрйылiсны посёлок сöветса да райсöветса депутатöн.

Верöсыскöд быдтiс да велöдiс кык челядьöс.
Читать далее →