— Кага кö муса, сiйöс гöгöрвоöны да пыдди пуктöны, сылöн аскиа луныс лоас бур. Колö кужны сiйöс кывны да кывзыны, — висьталiс районын кагалöн правояс кузя общественнöй уполномоченнöй Елена Александровна Лодыгина, кодi тайö удж вылын куим во.

Сiйö велöдö Зимстанса школаын роч кыв да литература. Нöшта сiйö психолог, тыр арлыдтöмъяслöн делöяс да налысь правояс дорйöм кузя комиссияын. Сетö отсöг кыдзи челядьлы да томуловлы, сiдзи и бать-мамлы, школаясса психологъяслы, социальнöй велöдысьяслы. Сiдзжö отсалö шыöдчыны уна службаö да юкöнö, бурдöданiнö да с.в.

Вочавидзö юалöмъяс вылö, кор республикаса юралысьлöн районса примитанiнын мунöны челядьлöн правояс кузя «веськыд йитöдъяс». Топыд йитöдын уджалö кагалöн правояс кузя уполномоченнöй Нелли Струтинскаякöд. Елена Александровна челядькöд уджалö 26 во, на лыдын кöкъямысöс челядьлöн Зимстанса керкаын, 10-öс Зимстанса школаын. Бур уджсö почёт грамотаöн унаысь пасйылiсны район, велöдан управление да министерство.
Гижöд да снимок Марина Дадашовалон.