Немдiнын водзö кыпалö выль клуб.
Кольöм воын вöчисны подувсö, а сентябр 18 лунсянь уджалö карысь «Тема плюс» котыр. Отсöг вылö медалiсны немдiнсаясöс: брускысь клубсö кыпöдiсны нёльöн, вевттьöны квайтöн. Уджалöны шойччан лунъястöг. Материал эм, сы лыдын и профнастил, таво вайöдасны вевт улöдз. Локтан воын вöчасны пытшкöс уджъяс, вайöдасны ва да шоныд. Öти миллион шайт таво вылö вичмöдiс районса администрация, отсалас и локтан воын.