Ноябр 16 лунö Зимстан-Кулöмдiн туй бокö лэбзис «Нива Шевроле». Водительыс вöлi садь да пысасьöма тасмаöн. Доймалiс ёна, ковмис нуны юркарса бурдöдчанiнö.
Тайö жö лунö Кулöмдiнын вöвлöм локатор весьтса туй бокö путкыльтчис ВАЗ-2329 машина. Водительыс вöлi код, эз коль во, кыдзи босьтiс право. Сыкöд орччöн пукалысь доймалiс. «Тэрыб отсöг сетан» машина вайлiс бурдöдчанiнö.
Тавося дас тöлысьöн районса туйяс вылын вöлi 27 неминуча, кувсис квайт морт, доймалiс — 36, на пöвстын кык кага. Сизим неминуча артмис код юра водитель, 25 — водительöн туйвывса правилöяс торкöм вöсна.