Эн сотöй кос турун!

Быд во лым сылöм бöрын кольöм вося турун сотігöн артмö уна öзйöм. Татшöм öзйöмыс паськалö зэв öдйö, биыс вермö вуджны олан керкаяс да мукöд стрöйбаяс вылö.

Войтыр лыддьöны, мый тулысын сотöм туруныс сетö муыслы вын. Збыльвылас нинöм бурсö оз вай. Мöдарö, сотчöны турун вужъяс да том петасъяс.

Медым лёк би эз вайöд неминучаöдз:

— некор эн сотöй кос турун, сюся видзöдöй би бöрся лöп-ёг сотігöн,

— куритчанныд кö, лоöй сюсьöн: истöг либö чигарка вермасны вайöдны пöжарöдз.

Ас йöрын век видзöй би кусöдан эмторъяс: ведра, зыр, ва тыра бöчка, лыа ящик.

Кос турун да чукöрмöм ёг колö бураа весавны да нуны колана инъясö, некор эн сотöй ас йöрын либö матын сикт-грезд дінын.

Шыöдчам бать-мам дорö! Ті кö шойччаныд вöрын либö ас керка дорын челядькöд, сюся видзöдöй на бöрся, котыртöй налы ворсöмъяс. Öд челядь быдтор кöсйöны тöдны, торйöн нин йитчöма кö мыйкö бикöд.

Кутöй тöд вылын:

— ичöт арлыда челядьныдтö эн кольöй дöзьöртöг, весиг недыр кад кежлö,

— дзебöй наысь истöг, зажигалкаяс,

— эн кольöй челядьытö ломтысьысь пач дорын,

— эн тшöктöй сотны кос турун.

Велöдöй каганыдтö биысь видзтысян инöдъясö.

Апрель заводитчöмсянь Коми Республика пасьта мунö «Антипал» акция. Сiйö сиöма ызöн сотöмлы паныд. Телевидение, газет, радио, буклет да листовка отсöгöн акция котöртысьяс юöртны йöзлы, кутшöм шог вермас вайны татшöм öзйöмыс. И ми кутам лача, мый тайö водзмöстчöм гöгöрвоöдас миянöс, мый некутшöм отсöг турун сотiгöн вöр-валы ми ог вайö!

Аддзинныд кö, мый сотчö кос турун, шыöдчöй мездысь службаö «112» номер пыр. Звöнитчыны позьö кыдз мобильнöй, сiдз и гортса телепонсянь.

Кутам лача, мый тайö индöдъясыс отсаласны тiянлы видзны асьнытö!

Биысь видзчысян служба да войтырöс доръян республикаса веськöдланiн