— Госстандартö вежсьöмъяс пыртöмöн таво ыджыд тöдчанлун сетасны туйяс пасъялöмлы. Юрсиктын уджалöны нин: велöданiнъяс весьтын вöчöны еджыд да виж паса вуджанiнъяс, дзоньталöны туйяс. Кутам видзöдны водзö , мед туйяс лöсялiсны госстандартлы да мукöд корöмъяслы. Чолöмала туй вылын пöрадок видзысьясöс праздникöн. Подаяслы да водительяслы пыдди пуктыны туйвывса правилöяс». — висьталiс ГИБДД-лöн районса юкöнöн веськöдлысьлысь могъяс олöмö пöртысь Виктор Алексеевич Игнатов.

Районса юкöнö локтiс 2007 воын милициялöысь Эжваса школа помалöм бöрын. Вöлi инспекторöн да государственнöй инспекторöн. Коймöд тöлысь пöртö олöмö веськöдлысьлысь могъяс. Пырö районса юралысь бердын районса туйяс вывтi лючки ветлöм кузя комиссияö.
Гижöд да снимок Марина Дадашовалöн.