Вылыс Воч

Воч юлöн шуйга берегын сикт. Чужис 18-öд нэм помын. 1782 вося IV-öд ревизияын пасйöма: «деревня Малая Вочевская» — 7 овмöс, 19 олысь (12 айлов, 7 нывбаба). 1859 воын нимыс вежсьö «Воча верхняя» (Вылыс Воч) вылö, код улын тöдса и талун. Сэки танì вöлì 8 овмöс, 56 олысь (25 айлов да 31 нывбаба). 19 нэмлöн мöд джынйын да 20 нэмлöн пансигöн йöз лыд öдйö содìс. Пример вылö, 1916 воын танì вöлì нин 66 овмöс, 303 морт. Нöшта дас во мысти — 83 овмöс, 395 морт. Но кольöм нэмса сизимдасöд вояссянь йöз лыд кутìс чинны. 1970 воын кö танì олìс 509, то 1989 воын — 305 морт.
Читать далее →

Эжва йывлöн слава

Наталья Михайловна Гуляева

Чужис 1911 вося август 13 лунö Кулöмдìнын. «Сталинец» колхозын да «Усть-Куломскöй» совхозын уна во видзис куканьясöс. Коммунистическöй уджвывса ударник. Мöдöдлìсны Москваö ВДНХ да нывбабаяслöн медводдза республикаса съезд вылö.
Читать далее →

ВУДЖÒНЫ ПОНТОН ВЫВТÌ

Кыдзи юöртлìм нин, Коми республикаса туй агентство июнь 13 лунö тупкис Зимстан дорын Прупт ю вомöн пос, кодì вальдìс пöшти дзикöдз. Ёна колìгöн кö йöз кутìсны вуджны кодъясöскö медалöмöн пыжъясöн, то машинаяслы вуджны лоис некыдз. Районса администрация лыддис коланаöн пыр жö дзоньтавны да сувтöдны понтон, кодì тупкöм поскöд пöшти орчча. Уджö босьтчис «Монди вöрса компаниялöн» татчöс участок, кодì понтон вывтìыс петкöдö Сыктывкарса ЛПК-лы вöр.
Читать далее →

Эжва йывлöн слава

Раиса Михайловна Липина

Чужис 1933 вося февраль 25 лунö Емдìн районса Айкатылаын. Уджалìс чугун сывдан Нювчимса да кирпич вöчан Воркутаса заводъясын, контролёралìс Сыктывкарса аптека складын, веськöдлìс Кулöмдìнса «Голубок» садйöн, парикмахералìс Кулöмдìнса КБО-ын, инструкторалìс би кусöдан 44 номера часьтын, вöлì ас окота серти кусöдчысь котырлöн райсöветса председательöн.
Читать далее →

Эжва йывлöн слава

Пелагея Степановна Карманова

Чужис 1922 вося октябр 15 лунö Немдìнын. Велöдìс Выльгортса, Кузьмылькса, Немдìнса, Югыдъягса школаясын.

Верöсыскöд быдтìс да велöдìс нёль челядьöс.

Бур уджысь сетìсны «За доблестный труд в годы Великой Отечественной войны 1941-1945 г.г.», «Уджвывса ветеран» да юбилейнöй медальяс, почёт грамотаяс.
Читать далее →