Сентябр 8 лунö «Кулöмдiн» муниципальнöй котырса муниципальнöй районлöн финансöвöй управлениеса уджалысьяс пасйöны асланыс удж кузя праздник — Россияса финансистъяслысь лун. Управлениеын нёль юкöн, коллективын 19 морт, ставныс вылыс квалификацияа специалистъяс. Эмöсь уджвывса ветеранъяс: управлениеöн веськöдлысьöс вежысь Т.Н.Печеницына, главнöй специалист Н.Н.Старостина, Е.В. Зубко. Удж кузя ассьыныс ыджыд сямсö найö сетöны томджык уджалысьяслы. Июль 14 лунсянь коллективöн веськöдлö Л.М.Чаланова. Любовь Михайловна помалiс Москваса кооперативнöй институт. Уджавлiс райпотребсоюзын, райфинотделын, районса администрацияын да сбербанкын.
Таво районлöн доходыс медводдзаысь лои миллиард 183 миллион шайт. Таын ыджыд пайыс финансöвöй управлениеса уджалысьяслöн.