Вын, вежöр да сьылан-йöктан сям петкöдлiсны районысь 8 да Пöддельнöйысь öти зон. Ордйысьöм мунiс кык юкöнöн. Öтиас колiс мунны вöралысьяслöн лэч туйöд да венны унапöлöс мытшöд: лэптыны вöр керка (чукöртны палатка), куим истöг тувйöн öзтыны бипур да пузьöдны чай, вутшъяс вывтi чеччалöмöн вуджны нюр, лыйсьыны пасö да с.в. Мöд юкöнын зонъяс висьталiсны ас йывсьыныс, сьылiсны-йöктiсны, петкöдлiсны ворсöмъяс. Жюрилöн кывкöртöд серти медбура ставыс артмис Дереваннöйысь Николай Ишенинлöн, сiйö и лоис «Туганöн».

— Ме тöлысь сайын локтi армияысь. Ёртася спорткöд: ворса волейболысь, вермася самбоöн да дзюдоöн. Тайö, чайта, и отсалiс вермыны. Ёна отсалiсны Степан Габов ёртöй да сылöн радейтана Марианна Гаманжий нылыс, — висьталiс Николай. — Лоасны кö и водзö татшöм ордйысьöмъяс — петкöдча быть.
Гижöд Алексей КОРЕЦКИЙЛÖН.
Снимок Лидия ЛИПИНАЛÖН.