«Чужан муын гудöк ворсö!»

[ A+ ] /[ A- ]

Скöрöдумысь Анфиса Васильевна Чисталёва петкöдчис «Чужан муын гудöк ворсö!» районъяскостса празд­ник-конкурсын, кодi мунiс Кöрт­керöсын. Кыпыд гаж вылö волiсны Чилимдiн, Сыктыв, Сыктывдiн, Ку­лöмдiн, Кöрткерöс, Вуктыл районъ­ясысь, Ухтаысь, Сыктывкарысь да Интаысь, ставыс 150 гöгöр морт. Конкурсын петкöдчисны 50-ысь унджыкöн. Анфиса Васильевна аккордеон улö сьылiс «Öтка олöм» сьыланкыв, кодöс роч вылысь ву­джöдiс ачыс. Сьöлöм вылас воис видзöдысьяслы и жюрилы, кодi шуис сiйöс вермысьöн.
Анфиса Васильевна юркарса мöдöд номера педколледж помалöм бöрын 12 во нин велöдö сьывны Скöрöдумса школаын, сэтчöс жö «Малышок», Мöдлапöвса, Помöсдiнса мöдöд но­мера садъясын. Тавосянь культура керкаын художественнöй веськöд­лысь, велöдö сьывны челядьöс и верстьööс. 12 во нин серам петкöд­лысь «Скородумы» котырын, кодi унаысь нин вермылiс районын да республикаын петкöдчылiгъясöн. Кольöм вежонын на вермисны Мылдiн районын.
.

Комментарии:

Добавить комментарий

Свежий выпуск: 28 марта

Осторожно — мошенники!