Ми быдöн вöдитчам газ плитаясöн. Велалiм сэтшöма, мый корсюрö вунöдлам, мый биаруыд вермас вайны неминучаöдз. И тшöкыда таын мыжа ачыс морт.
Кывзöй пöжарысь видзчысян службаöн да гражданаöс видзöмöн веськöдланiнсянь биару оборудованиеöн колана ногöн вöдитчöм йылысь индöдъяс.
Кодсюрö вöдитчöны резина трубаясöн, кодъяс вермöны кокниа потны либö орны. Овлö, мый морт биару плита вылö пуктö пусян доз да унмовсьö. Ваыс дозъяс пуö да киссьö плита вылö, би кусö, а биару водзö петö. Быд бикинь татшöм жырйын вермас вöчны гымöб. А сидзкö, лоö öзйöм.
Мед видзны асьнытö татшöм торйысь, котёлъясын да колонкаясын колö тэчны автоматическöй видзчысяна система.
Биару дорö йитчана уджъяс аслыныд вöчны оз позь. Йитлыны биару приборъяс, вежлавны найöс позьö сöмын газöвöй службаын уджалысьяслы, кодъяслöн эм татшöм уджъяс вылö тшöктöм. Оз ков вöдитчыны шонтысяна биару приборъясöн, абу кö та вылö тшöктана индöдъяс. Кутöй тöд выланныд вöзйöм индöдъясö.
Йöзыс кöдзыдъяс дырйи ключитöны газ плитасö, медым шонтыны жырсö, но тайöс вöчны оз позь.
Энö вунöдöй, кор мунанныд гортсьыныд, кусöдны биару приборъястö. Энö косьтöй кöлуй биару весьтын, сiйö кокниа вермас ыпнитны.
Эмöсь вöзйöмъяс сiдз жö налы, кодъяс вöдитчöны биару баллонъясöн.
Энö видзöй баллонъяс оланiнын, балконын, гаражъясын. Тыртöй биаруöн баллонъяс та вылö индöм местаясын. Газöвöй оборудование пуктытöдз бура думайтöй, кытчö сiйöс пуктыны. Оз позь сувтöдны сiйöс жыръяс костö, посъяс вылö, пуысь вöчöм вежöсъяс дiнö, пызан-улöс дiнö, öшалан занавесъяс да мукöд сотчанторъяс дiнö матö.
Биару кö оз кут петны, пыр жö сиптöй плиталысь да газопроводлысь крансö. Онö кö тадзи вöчöй, истöгсянь либö би киньсянь вермас ыпнитны да гымöбтыны,. Сэсся тöлöдöй керкааныд быд вежöс да весиг пöдвалъяс. Оз кö биару дукыс быр, либö бöр лоö кутшöмкö кад мысти, пыр жö корöй аварийнöй газöвöй служба ноль нёль (04) номер серти.
Отдел подготовки и информирования населения

по вопросам гражданской защиты

ГКУ РК «Управление противопожарной службы и гражданской защиты»/