Кулöмдiн районлы вичмöдiсны челядьöс школаö новлöдлан куим выль автобус.
Найö воисны Пожöгса да Югыдъягса школаясö, сы вöсна мый важъясыслöн помасис урчитöм уджöдан кад. Содтöд автобус сетiсны Кулöмдiнса шöр школалы: содö велöдчысьяслöн лыд. Кулöмдiнысь öтдор, челядьöс вайöны Носимысь, Паспомысь, Донысь да

Читать далее →

Январ 8-9 лунъясö Воронежын мунiс лыйсьöм кузя ордйысьöм.
Вермис Тимшерысь Екатерина Паршукова, босьтiс зарни медаль. Февраль 1-8 лунъясö сiйö петкöдчас Россияса ордйысьöмъяс вылын Ижевскын.

29 туйвыв лоöмторйын доймалiсны либö кувсисны йöз. Декабрын биысь дорйысьяслы ковмис ветлынытуйвывса 7 неминуча вылö.
2014 воын медся унаысь — 32-ысь — петавлiсны Кулöмдiнса кусöдчысьяс, öкмысысь — помöсдiнсаяс да немдiнсаяс, нёльысь — керчомсаяс да тимшерсаяс. Артмö, мый медуна туйвыв неминуча

Читать далее →

Кольöм воын «Парма гор» пасйис тшупöда пас — газетлöн медводдза номер петöмсянь 85 во тырöм. Уна семьяын газет коставлытöг судзöдöны да лыддьöны некымын поколениеын нин. Ми, дерт, газет лэдзысьяс, кывлам лыддьысьысьяссянь и ошкан, и кулитан кывъяс. Ставсö босьтам матö сьöлöм бердö да зiлям уджавны нöшта на кывкутöмöнджык. «Парма гор», дерт, ёнджык лöсялö верстьöяслы. Но миянлы окота тöдны, кутшöмджыкöн аддзöны газетнымöс томъяс — аскиа лыддьысьысьяс. Такöд йитöдын ми корим районса гырысь класса велöдчысьясöс донъявны «Парма горнымöс». Ставыс воис Помöсдiнса, Скöрöдумса, Кулöмдiнса, Ручса, Керчомъяса, Ярашъюса да Шöръягса школаясысь 9-11 классъясын велöдчысьяслöн 14 удж.
Со мый артмис челдяьлöн гижöдъяс серти:
«Парма горлöн» нимыс мича, небыд, гора, кыпыд да юргана, дзик миян районса олысьяслы и лöсялана. Газетлöн быд номерын медводдза гижöдöн лоö «Кузь нэм да бур шуд!». Тадзи газет лöсьöдысьяс бур сьöлöмöн чолöмасьöны, сибöдчöны асланыс лыддьысьысьяс дiнö. Бара жö, быд номерын эм коми шусьöг. Шусьöг-кывйöз отсöгöн йöз важысянь велöдiсны мöвпавны, аслыспöлöса шуны, сэтчö пуктывлiсны джуджыд мывкыдлун.
Газетысь позьö тöдмавны районлысь олöм, удж, могъяс, тырмытöмторъяс, мый вöчсьö видз-му овмöсын, бурдöдан, велöдан, культура да мукöд юкöнын. Сiдзжö верман тöдмавны, мыйöн районлы позьö ошйысьны да тшапитчыны, а мыйкöд, мöдарö, колö тышкасьны да öтвылысь корсьны мытшöдысь петан туй. Газетлöн шöр мог — мöвпавны оз сöмын майшöдланторъяс йылысь, а зiльны петкöдлыны олöмысь аддзана, стöч серпасъяс да восьтны йöзлысь талунъя дойяссö.
Газет чужтö да сöвмöдö коми кыв да литература дорö муслун, ышöдö да кыскö гижан уджö томъясöс. Öд кутшöм гажа, кутшöм озыр, кутшöм уна рöма миян коми кывным!
Медся нин ёна шензьöдöны районса войтырлöн кывбуръяс, кутшöм мичаа артмöмаöсь строкаяс да ладмöмаöсь рифмаяс. Уна висьт да кывбур «Парма гор» газетысь ылöджык оз мунны, мöдлаын оз юргыны, ни оз печатайтны. Но найöс лыддям ми, районса прöстöй йöз, кылам налысь сьöлöмкылöмъяссö. И кöть, гашкö, унджык гижöдыс лыддьöм бöрын йöзлöн вунö, но гижысьлöн «кодзулыс» векжö дзирдыштлö öти здук кежлö. «Парма горö» гижöны верстьö и челядь, пöрысь и том. Но газетлöн аскиалуныс, дерт жö, том войтыркöд ёртасьöмын, найöс журналистика уджö ышöдöмын. Найöс кö он велöд — газет кусас. Газет лоö бур подулöн, сы помысь коми мортыс зумыда на сулалö му вылас да кутö лача, мый водзö вылö ставыс лоас бур.
Уна мича кывбура, мывкыд мöвпъяса, серамбана, сьöлöм вöрзьöдана висьтъяса — татшöм миян «Парма гор», Эжва йывлöн рöмпöштан. И водзö вылö эскам, мый газетын кутасны петны ловтö кыпöдан гижöдъяс. Газет велöдö овны сöстöма, зiля, бур мöвпъясöн, ютöг, радейтны вöр-ва, Коми мунымöс, коми кывнымöс».
Татшöмöн аддзисны «Парма горöс» Помöсдiнысь Анастасия Уляшёва, Наталья Королёва, Людмила Доценко, Ксения Уляшёва, София Игнатова, Скöрöдумысь Артём Пашнин, Марина Уляшёва, Люция Пашнина, Носимысь Наталья Зезегова, Керчомъяысь Михаил Дудников, Ярашъю-ысь Ирина Нехорошева, Елена Попова, Шöръягысь Марина Напалкова, Ручысь чужан му туялан кружокö ветлысьяс. Н.Зезегова «Парма горöс» донъялiс весиг кывбурöн.
Велöдчысьяслöн гижöдъяс збыль мöвпаланаöсь, тыдалö, мый найö сёрнитöны и мöвпалöны комиöн, абу на сетчöмаöсь рочланьыс. Таысь ыджыд аттьö коми кыв да литература велöдысьяслы — О.В.Шебыревалы, Т.В. Уляшёвалы, Д.А.Гребенюклы, Л.А.Кочановалы, И.А.Кузнецовалы, Г.Н.Напалковалы, А.И.Лажаневалы, М.А.Шебыревлы. Öд буретш налöн, коми кыв велöдысьяслöн зiльöмöн, позьö шуны, и кутчысьö на сöстöм коми кывйыс, найö оз сетны ляпкавны-кусны кывйыслы, а, сiдзкö, и коми вужйыслы.
Лидия ЛИПИНА,
газетса главнöй редактор.
Читать далее →

Об этом сообщил министр развития промышленности и транспорта Республики Коми Андрей Самоделкин.

Читать далее →