Районса олысьясöс майшöдлö унатор, медся ёна коммунальнöй услугаяс вылö ыджыд донъяс. Та йылысь сёрни век кыптö кыдзи районса юралыськöд да администрацияса юкöнöнъясöн веськöдлысьяскöд, сiдзи и республикаса кывкутысь йöзкöд аддзысьлiгъясöн. Тöвнас на волiсны тарифъяс вынсьöдан республикаса комитетысь специалистъяс, аддзысьлiсны йöзкöд районса культура керкаын. Колö шуны, мый сиктсаяс сёрнитiсны дöзмöмöн, öд шоныд да ва вылö донъяс абу ичöтöсь. Абу гöгöрвоана, кыдзи тайö донъясыс артмöны. Специалистъяс серти, арталöны, уна-ö сьöм мунö район пасьта став шонтанiн уджöдöм вылö, да сэсся юкöны, артмö шöркодь лыдпас. Кулöмдiнса олысьлы лоö вештыны и кутшöмö ичöтик сиктса олысьлысь пайсö. Лыдпас артмö вель ыджыд. Сиктса олысьяслы шоныд вылö донъяс чинтöм могысь республикаса правительство вичмöдö «Коми теплöвöй компания» котырлы сьöма отсöг.
Читать далее →

Июль 11 лунö Югыдъягын дас витöдысь мунiс «Вöр лэдзысь — 2014» ордйысьöм. Кольöм воын кö сiйö вöлi республика тшупöда, то таво — сöмын районса, но таысь тöдчанлуныс эз вош. Ордйысисны форвардеръяс вылын уджалысь операторъяс, ставыс 8 морт. Найö вöлiны «Монди Сыктывкарса ЛПК» котырлöн участокъясысь, «Комилесбизнес», «В.В.Белый», «Лесопт» котыръясысь. Таво медводдзаысь ордйысьöм вылö волiсны «С.В.Мастюгин» да «Усть-Куломский лес» котыръясын зiльысьяс.
Читать далее →

И танi лов югзьöданiн
«Парма гор» газет юöртлiс нин миян районса Габов грездын татчöс фронтöвикъяслы сиöм Георгий Победоносецлысь часовня кыпöдöм йылысь. Медбöръя юöрöн вöлi сiйö, мый искусствояслöн республикаса гимназияысь да Зимстанса шöр школаысь велöдчысьяс помалiсны вежа керкалы подув кисьтöм да мунiсны гортаныс, а талун юöртам сы йылысь, мый часовняыс кыпалiс нин, сiйöс лэптiсны öткызта керъясысь Сыктывкарса стрöитчысьяс, да кыдзи и челядьöс колльöдiгöн, бара чукöртчылiсны грездсаяс да кывкутысь йöз, кодъяс отсалiсны пöртны олöмö бур мöвпыштöмторсö. На лыдын вöлiны Сергей Викторович Таскаев — искусствояслöн гимназияысь велöдысь, вежа керка кыпöдöмсö мöвпыштысь да та кузя став уджсö котыртысь, тайö строкаяслöн автор — Габовын фронтöвикъяслы пас кыпöдöм йылысь сёрни панысь, на йылысь книга гижысь, Гелий Иванович Логинов да Владимир Николаевич Лодыгин — Дзольса да Зимстанса юралысьяс, делöлы асланыс позянлунъяс серти отсалысьяс.
Июль 10 лун вöлi ыркыд, но сьöлöмъяс вылын вöлi шоныд: синъяс гажöдiс зарниöн да лöзöн лöсталысь, креста ёсь йывнас енэжö сетчöм чача кодь керка, кодi лоис тайö ичöтик грездын медся мичаöн, лов кыпöданаöн.
— Со и збыльмис мöвпыштöмторным, — шуис йöз водзын С. В. Таскаев. — Ме эски, мый тадзи и лоас, сы вöсна мый йöзлöн паметьыс ловъя, найö кутöны вежöраныс став меддонсаö, сы лыдын и война вылын усьöмъясöс, Победа дорысьясöс. Код дорö шыöдчылi, сiйö и отсалiс: власьтыс и йöзыс. Торйöн пасъя Габовысь Шучалинъяслысь семьясö: Андрей Васильевич быдсямапöлöс удж бергöдiс медводдза лунсянь, быдтор вылö киподтуя. Зинаида Алексеевна пусис да пöжасис, пывсьöдiс да мыссьöдiс, узьтöдiс да чеччöдiс. Василий пиныс — миян гимназияса велöдчысь — астшöтшъяяс пöвстас вöлi медся зiль да уджалö водзö. Колö на потшсьыны да краситчыны. Ставныдлы зэв ыджыд аттьö. Олöй и водзö вежавидзöмöн, Енмöс кылöмöн. Зинаида Алексеевначелядьлöн локтан лунö аддзылöма юсьöс, тöрыт вичкосö эштöдöм бöрын кызссюв зэрис, сюйис муö став шогсö — ставыс бур вылö.
Бурсиисны да аттьöалiсны и мукöдъяс, дженьыдика, медтöчанасö шуöмöн. Сiдз, Г.И. Логинов пасйис:
— Миян овмöдчöминлы Габов грездын часовня кыпöдöм — зэв ыджыдтор. Олöмыс сьöкыдкодь да важсö помнитöмыс, кор вöлi нöшта сьöкыд, да бурö эскöмыс, зэв колö. Ёна бур, кор эмöсь Сергей Викторович да сы кодь водзмöстчысь йöз, кодъяс оз лэдзны усьны лолöн.
Сёрнитiсны и грездсаяс. Сыктывкарын важöн нин олысь, но бöръя кадö матö быд во волысь да чужанiнас век мыйкö вöчысь Августа Павловна Лодыгина шуис:
— Татшöм мича керкаыс миян Габовын медводдза да, кöнкö, медбöръя. Мед татшöм мичаöн век и сулалö. Синъяснытö моз видзöй. Овтöм, но ён на керкаяссö пес вылö пилитанныд да сы вöсна тадзсö шуа.
Шучалинъясын пызан сайын нин пукалiгöн ме юалi Григорий Изосимович Морохинлысь, кодлысь грездö воддза волiгöн юаси фронтöвик бать йывсьыс:
— Часовняыс эз вöв да йöзыслы овсис. Удж сiйö оз сет, сьöм оз вай. Гашкö, нинöмла и вöлi кыпöднысö?
Читать далее →

Сентябрын лоас 24 во, кыдз тулыс-арын велосипедöн, тöлын подöн Сордйывсянь Помöсдiнöдз воöдчö Валентина Леонидовна Попова. Лым кöть зэр газет-журналъяс ыджыд нопйöн тэрмасьö Помöсдiнса олысьяс дорö.
-Помöсдiнын ёна на судзöдöны газет-журналъяс. И томыс, и олöмаыс. Медся унаöн лыддьöны «Парма гор» да «Трибуна» газетъяс. Пыр казьтывла сиктсаяслы, кор воö гижöдан кад. Да и асьныс олысьяс звöнитöны либö паныдасигöн висьталöны, кутшöм газет либö журнал кöсйöны лыддьыны. Бать-мам велöдöны лыддьысьны дзолясянь и челядьнысö, сiдзжö судзöдöны налы быдсикас газет-журнал, — сёрнитiс ань.
Читать далее →

Приглашаем к участию в Национальной премии в области событийного туризма «RussianEventAwards» 2014 года

В 2014 году в рамках Национальной премии «Russian Event Awards» пройдет 5 региональных конкурсов: Ростов-на-Дону –Южный и Северо-Кавказский федеральный округа, Сыктывкар – Северо-Западный и Уральский федеральный округ, Ярославль – Центральный федеральный округ, Владивосток – Сибирский и Дальневосточный федеральные округа, Самара –Приволжский федеральный округ.
Читать далее →