admin

Йиркап-2014

ОЗЪЯГЫН ВЕРМИСНЫ ОЗЪЯГСАЯС
Кольöм пекничаын Озъягын коймöдысь мунiсны «Йиркап» ворсöмъяс. Миян районсаысь кындзи петкöдчисны Емдiн, Сыктыв да Сыктывдiн районъясысь том йöз. Вермасьöмъяссö восьтiгöн районса юралысь Д.А.Шатохин пасйис, мый ворсöмъясыс весиг войтыркостсаöсь, сы вöсна мый Керчомъяса котырö пырöдчис Финляндияысь Осси Макконен. Дмитрий Александрович содтiс, мый быд во вежлалöны «Йиркап» нуöданiн, медым волысьяс тöдмасисны миян районса сикт-посёлокъясöн.
Петкöдчысьясöс (ставыс чукöрмис 15 котыр) вочаалiсны няньöн-солöн, «вöрö» петтöдз тшынöдiсны тусяпуöн, медым мойвиис «кыйсигöн». Россия Федерацияса да Коми республикаса флагъяс петкöдiсны Сыктыв районсаяс — кольöм вося вермысьяс. Шöр судья, Кулöмдiн районса спорт шöринöн веськöдлысь Е.Д.Кузнецова пасйис, мый том вöралысьясöс виччысьö уна сьöкыдлун, ковмас вуджны уна мытшöд, кодъясöс венiгöн и петкöдчас винёвлун да сямлун. Туйö петiгöн бурсиисны Йиркап кöзяин да Зарань кöзяйка.
Лыйсисны пасö шыöн да черöн, «лысъяс» вылын кыскисны «доймöм» мортöс, шыблалiсны кытшö гынсапöг, сувтöдiсны палатка, «сук вöртi» кыссисны нопйöн, котырöн мунiсны öти лыжиöн, кер кузя вуджисны нюр, гез кузя вуджисны шор, гезйö кутчысьöмöн лэччисны кыр вылысь да кайисны бöр. Ставсö вöчисны кад вылö. Быд мытшöд вуджисны öта-мöдлы отсалöмöн, медым дорйыны да водзö кыскыны ассьыныс котырсö. Öтияс бурджыка петкöдчисны öтиторйын, мöдъяс — мöдторйын. Векжö медся тэрыбöн да винёлöн петкöдчис Озъягысь «Войвывса кöинъяс» котыр. Мöдöн лоис Емдiн районысь «Неугомон», коймöдöн — Югыдъягысь «Косяссьöм кöм».
Ордйысьöмлöн мöд юкöныс мунiс Озъягса клубын. Томъяс петкöдлiсны, кыдзи кужöны гажöдчыны. Конкурс вöлi дзоньвидза олöм йылысь. Сьыланкывъяс, частушкаяс да кывбуръяс отсöгöн янöдiсны юысьясöс да куритчысьясöс, ышöдiсны овны спорткöд ёртасьöмöн. Жюри медвылö донъялiс носимсаяслысь петкöдчöм. Дзирдыштiс йöктöмöн Александа Тимушева. Мöдöн лоисны озъягсаяс, коймöдöн — Емдiн районсаяс.
«Йиркап» ворсöмъясын вермысьöн лоис Озъягысь «Войвывса кöинъяс» котыр, кодлы районса юралысь Д.А.Шатохин вичмöдiс вуджысь кубок, диплом да сертификат. Мöдöн лоис Емдiн районысь «Неугомон», коймöдöн — Помöсдiнысь «Помöсдiнса чудьяс» котыр. Налы да конкурсъясын мукöд вермысьяслы сiдзжö вичмисны дипломъяс, а ставлы — ошкана гижöдъяс да юмов козинъяс.
Республикаса юралысьлöн примитанiнöн веськöдлысь А.А.Кузнецова аттьöалiс томъясöс петкöдчöмысь, пöся чолöмалiс вермысьясöс да «Коми войтыр» öтмунöмлöн исполкомсянь вичмöдiс финн-йöгра вужвойтыркöд ёртасьöмысь аттьöалан гижöдъяс Керчомъяса «Максимум» котырлы, а сiдзжö Осси Макконенлы.
-Ворсöмъяс воисны сьöлöм вылö, — висьталiс Осси Макконен. — Ме татшöм вермасьöмъясас петкöдчи медводдзаысь на, но быд мытшöд вуджи кокниа, сы вöсна мый ичöтсянь ёртася спорткöд: радейта ворсны футболысь, волейболысь, котравны лыжиöн. Черöн пасö лыйсьöм вöлi меным выльторйöн, лыйсьытöдзыс велöдчыштi. Тöдмаси танi том йöзкöд, праздник öтувтiс миянöс.
-Эг чайтöй, мый вермам, кöть ичöтика эским, — шуисны Озъягса вермысьяс. — Отсалiсны, гашкö, чужан пельöсным, миян вöсна «висьысь» ёртъяс, а медся ёна — миян öтувъялунным.
Галина Нестерова.
Авторлöн снимокъяс вылын: Озъягса вермысьяс; шыöн лыйсигöн.
Читать далее

Пресс-релиз

В целях оказания государственной поддержки в улучшении жилищных условий жителей Республики Коми Правительством Республики Коми еже­годно утверждается порядок возмещения гражданам части затрат на уплату процентов по жилищным креди­там.

Читать далее

Региональная социальная доплата к пенсии

Кто осуществляет выплату региональной социальной доплаты к пенсии?
Выплату региональной социальной доплаты к пенсии осуществляет «Центр по предоставлению государственных услуг в сфере социальной защиты населения» по месту жительства пенсионера.
Региональная социальная доплата к пенсии назначается пенсионеру в размере разницы между величиной прожиточного минимума пенсионера, установленной в Республике Коми и общей суммой материального обеспечения пенсионера.
Читать далее

Пресс-релиз

Монди и Всемирный фонд дикой природы поддержат устойчивость экосистем, применяя ответственные деловые практики

Читать далее

Доклад В.М.Гайзера

Виддза оланныд, дона ёртъяс! Добрый день, дорогие товарищи!

Пыдди пуктана войтыр! Дорогие присутствующие!

Читать далее

Свежий выпуск: 28 марта

Осторожно — мошенники!