Январ 16 лунö 17 час 15 минутын Сыктывкар-Мылдiн туйлöн Кебанъёльö пыранiнын ВАЗ-2107 машина зуралiс олöма мортöс.
Сiйö вуджис туй, кытi эз позь. Кувсис бурдöдчанiнö нуигöн «тэрыб отсöг сетан» машинаын. Водитель вöлi садь, право босьтiс 2013 воын.

Январ 14 лунö квайт час рыт бöрын Аныбын öзйис Виталий Николаевич Гановлöн керка.
Кыдзи висьталiс Аныбса юралысь Е.С.Мууева, öзйис йиркыс, буракö, пачсяньыс. Бикöд водзсасян Ручса часьтысь кусöдчысьяс воисны зэв öдйö, недыр мысти матыстчисны и кулöмдiнсаяс. Пыр жö отсöг вылö уськöдчис

Читать далее →

Тавося январ 15 лун кежлö загслöн Кулöмдiнса юкöнын пасйисны пузчужöм 13 кагаöс.
Дасыс чужисны декабрын, куимыс таво. Январ коймöд лунö шудаöн лоис Югыдъягса мам, а январ нёльöд да Рöштво лунъясö — Помöсдiнса мамъяс.

Январ коймöд лунö Великопольеын выль керкаö овмöдчис Владимир Фёдорович да Светлана Васильевна Душевскийяслöн семья.
Верöс уджалö асшöр уджалысь дорын, гöтыр — бурдöдчанiнын. Гозъя быдтöны ныла-пиöс. Кыпöдны керка сьöмöн отсалiс районса администрация.

Кулöмдiнса «Гогубок» садйын выльмöдiсны öшиньяс.
Садлöн керкаыс ёна важ, 85 вося, öшинь рамаяс вöлiны сiсьöсь нин, шоныд жыръясын эз кутчысь. Кыдзи висьталiс садйöн веськöдлысь О.Р.Кравченко, «Северные окна» котыр öти лунöн вежис 18 öшинь, вöчис зэв бура. Нöшта колö выльмöдны вевт.