Алексей Ногиев
Кулöмдiнысь Алексей Ногиев вуджис нёль океан, вöлi Индияын, Францияын, Италияын, Кипрын, Сирияын да мукöд странаын. 2009 воын зонмöс босьтiсны армияö. Веськалiс Североморскса медся ыджыд «Пётр Великий» корабль вылö.
-2012 воын корабльöн мунiм Севернöй Ледовитöй океанöд Котельный дiöдз, кодöс кöсйис босьтны США, а Россия эз сет. Видзöдлiм, шогмö-ö восьтны океан пыр вузасян ва туй. öтарö-мöдарö мунiм тöлысь, эг сибдöй. Миян бöрся Кöла кöджсянь Камчаткалань мунiсны грузöн нин корабльяс. Локтан воас колльöдiм котырöс, кодi Котельнöй дi вылын кыпöдiс авиабаза. Тайöн вынсьöдiсны, мый муыс миян. Сириясянь Италияöдз колльöдiм öружие тыра корабль. Некымынысь пыравлiм Кипрö, шойччыштiм, ньöбим сёян-юан да мукöд колантор, — сёрнитiс Алексей.
Бура служитысьöс донъялiсны «За дальний поход» пасöн, почёт грамотаясöн. Контракт серти служитас и локтан воын. Мöвпалö колльчывны водзö.
Дерт, гаж бырö чужанiнысь, но пыр телефона йитöд кутö Татьяна Ивановна мамыскöд, рöдвужкöд.
Гижöд Марина ДАДАШОВАЛÖН.
Снимок А.НОГИЕВЛÖН гортсьыс.
Комментарии: