Югнитiсны Ручса челядь

[ A+ ] /[ A- ]

Робототехника кузя медводдза районса ордйысьöмын, кодi вöлi январын Кулöмдiнса школаын, зэв бура петкöдчисны Ручса велöдчысьяс. Артмылiс кык котыр: «Девятая рота» да «Охотники за удачей». Котырын вöлiны Анастасия Попова, Диана Расова, Тихон Зезегов, Александр Букатин, Артём Рассыхаев да Александр Юдин, кодъяс велöдчöны 6-öд классын. Вöчисны бергалантор, а сэсся выльмöдiсны сiйöс, мед бергалiс дырджык.
Вöчöмöн мöдöн да коймöдöн да выльмöдöмöн медводдзаöн да коймöдöн лоисны ручсаяс. Вöлi и найöс велöдысь Евгения Александровна Холопова. Сiйö висьталiс:
— Ми велöдчам кольöм восянь. Челядьлы ёна воö сьöлöм выланыс, менам классысь велöдчöны ставöн. Робототехника ёна «быдтö» зонпосниöс, сöвмöны сёрни да вежöр. Найö велöдчöны мöвпавны, лоны сюсьджыкöн, уджавны котырын. 6 классын миян челядь оз на вöдитчыны компьютерöн да тайö лоö водзö вылö ыджыд отсöгöн.

Комментарии:

Добавить комментарий

Свежий выпуск: 28 марта

Осторожно — мошенники!