Юалöй — вочавидзам

[ A+ ] /[ A- ]

ВЫЛЬ ЗАКОН СЕРТИ

«Кывлì, мый выль закон серти кыксё килограммöдз лыбöдан пыжö сувтöдöм дас вöв мында мотор водзö вылö оз ков регистрируйтны ни донъявны ГИМС-лöн юкöнын. Збыль-ö тайö?»

Иван ПОПОВ.

Кулöмдìн.

Иван Александровичлы вочавидзис ГИМС-лöн районса юкöнöн веськöдлысь Иван Борисович ПОПОВ:

«Збыль, май помын вежсьöмъяс пыртìсны федерациялöн законö. Водзö вылö техосмотр оз ков прöйдитны налы, кодъяслöн пыжыс 200 килограммöдз да моторыс дас вöв вына. Такöд йитöдын стöчмöда со мый. Òткымынлöн пыжыс 250 килограммысь сьöкыдджык, а ветлöдлö 5 вöв мында моторöн. Либö пыжыслöн сьöктаыс 150 килограмм, а моторыс 10 вöлысь унджык. Налы пыжсö колö быть регистрируйтны миянын. Пыжъяс, кодъясöс регистрируйтлìсны выль закон примиттöдз, кутасны сулавны и водзö учёт вылын. Но кодì оз кöсйы сулавны учёт вылын, вермас шыöдчыны миян дорö да киритам.

Но колö кутны тöдвылын, мый налы, кодъяслöн пыжыс 200 килограммысь абу сьöкыдджык да моторыс дас вöв вына, колö ветлöм вылö право.

Выль закон серти тöдчымöн содö вот. Сìдз, пыж регистрируйтöмысь ковмас мын-тыны 1000 шайт (вöлì 200-600 шайт).

Кодì кöсйö пыдìсяньджык тöдны выль закон йылысь, вермас шыöдчыны миян дорö».

Комментарии:

Комментарии запрещены.

Свежий выпуск: 28 марта

Осторожно — мошенники!