Кольöм шойччан лунö Пожöгса лыжи базаын мунiсны «Йиркап» тöвся ворсöмъяс, кытчö пырöдчис миян да орчча районъясысь 20 котыр. Таво «Йиркап» мунiс мöдöдысь на, но вуджис нин республика тшупöдö. Миян районса котыръяс кындзи, волiсны Мылдiн, Кöрткерöс, Сыктыв да Сыктывдiн районъясысь том йöз.
Комиссиялöн кывкöртöд серти, медбурöн лоис Сыктыв районысь «Шандыр-бандыр» котыр. Сылы вичмис кубок. Мöдöдöн да коймöдöн лоисны Пожöгысь «Зумыд ош» да Кулöмдiнысь «Кулöмдiнса ёртъяс». Налы сетiсны дипломъяс да юмов козинъяс. Творческöй конкурсын медбура петкöдчисны кулöмдiнсаяс, кодъяс сьылiсны коми кыв вылын да петкöдлiсны коми вöралысь йылысь петкöдчöм. Районъясысь локтöм гöсьтъяслы сетiсны казьтылана козинъяс.