Православнöй вичко ыдждöдлö Иисус Христослысь ловзьöм. Ыджыд лун — сöстöм, кыпыд лун, кодi йитчöма шондiлöн петöмкöд, вöр-валöн ловзьöмкöд. Йöз дасьтысьöны сы кежлö Ыджыд видз вуджöмöн: кослунасьöмöн, буркывъяс лыддьöмöн, öта-мöдлы бур вöчöмöн.
Ыджыд лун пасйöны озыр пызанöн, вичкоын вежöдöм куличöн да мичмöдöм чипан колькъясöн. Öта-мöдöс вочаалöны «Христос ловзис!» кывъясöн. «Збыльвылö ловзис!» вочавидзöмöн вежласьöны чипан колькъясöн да кутлöны-окалöны öта-мöдöс.
Енлы эскысьяс виччысьöны, мый Ыджыд лунö лоас мыйкö вöвлытöмтор. Тайö лунö Енлысь позьö корны, медым збыльмисны гуся кöсйöмъяс.
Галина Нестеровалöн снимок вылын: Кулöмдiнысь Г.И.Попова.