Пожöгысь Екатерина Битнер школаын велöдчигöн на босьтчис ёртасьны районса газеткöд, тшöкыда йöзöдлiс сöстöм коми кывъя гижöдъяс. Кык гожöм велöдчис юркарын том гижысьяслöн университетын, кыпöдiс гижан сямсö. Сизим класс помалöм бöрын вуджис велöдчыны Ю.А.Спиридонов нима Коми республикалöн юралысьбердса искусствояслöн гимназияö. Водзö мунiс А.И.Герцен нима Санкт-Петербургса государственнöй университетö, кöнi велöдчö нёльöд во. Босьтö öтпырйö кык специальносьт — велöдысьлысь да психолингвистлысь. Код сертиыс кутас уджавны, мöвпыштлас во помöдзыс. Öнi медшöр тöжд да мог — бура дасьтысьны да сдайтавны госэкзаменъяс, дорйыны диплом. Кöть удж юрвывтыр, аддзö кад ветлöдлыны музейясö, кодъясöн озыр Санкт-Петербург.
Галина НЕСТЕРОВА.