Январ 12 лунö удж кузя ассьыныс праздник пасйисны районса прокуратураын уджалысьяс
Районса прокуратураын уджалöны бур тöдöмлунъяса да дасьлуна, ыджыд сямлуна да быдтор вылö кыпалысь йöз.
Районса прокурор Василий Владимирович Юхнинöс службаын ыджыд вермöмъяс шедöдöмысь пасйывлiсны Российскöй Федерацияса Генеральнöй прокурор, Коми республикаса прокурор да Коми республикаса юралысь.
Бура дыр нин уджалöны районса прокурорöс вежысьяс Сергей Алексеевич Агапов да Андрей Викторович Скворцов, районса прокурорлы старшöй отсасьысь Анна Леонидовна Лобанова. Налысь уджсö вылö донъялiсны республикаса прокурор, республикаса юралысь да Госсöветöн веськöдлысь.
Котырын эмöсь и том специалистъяс: Павел Владимирович Москалёв, Айдар Фирдаусович Садреев да Марина Васильевна Набокова, но найö сяммисны нин петкöдлыны асьнысö бур боксянь.
Ыджыд пай пуктöны районса прокуратуралöн уджö концелярияöн веськöдлысь Маргарита Варфоломовна Попова да водитель Алексей Анатольевич Тимушев.
2012 вося декабрсянь районса прокурорöс вежысь Ольга Александровна Жиганова лоис мирöвöй судьяöн.
Андрей Скворцов,
районса прокурорöс вежысь.