Андрей Викторович Скворцов уджалö районса прокуратураын2008 вося декабрсянь. Вöлi прокурорлы отсасьысьöн, а 2011 вося июльсянь прокурорöс вежысь.
Помалiс Уралса государственнöй юридическöй академия. Комиын уджалöм бöрйис ачыс, сы вöсна мый Елена Анатольевна гöтырпуыс, кодкöд локтiс районса прокуратураö, татысь.
Топыд йитöд кутö овмöдчöминъяскöд, котыръяскöд. Сюся видзöдö да тöдмасьö кабалаясöн, кыдзи найöс дасьтöны да пöртöны олöмö.
-Воысь воö кыптö прокуратураса уджалысьяслöн тöдчанлун. Кольöм воын шыöдчис öти сюрс сайö морт. Вочавидзам юалöмъяс вылö телефона «веськыд йитöд» дырйи. Сёрнитам и велöдчысьяскöд, кодъяслы тырис 14 арöс, тöдмöдам-öлöдам, мый оланпас торкöмысь найöс вермасны нин кыскыны уголовнöй кывкутöмö. Уджала водз асывсянь сёр рытöдз, овлö и шойччан да праздник лунъясö, висьталiс А.В.Скворцов.
Гижöд да снимок Марина Дадашовалöн.