Ягкöджын чужöм Галина Ивановна Поповаöс Сыктывкарса медучилище помалöм бöрын мöдöдiсны Немдiнса бурдöдчанiнö.

[ A+ ] /[ A- ]

 32 воöн танi вöлi челядьöс бурдöдысь медсестраöн, отсасьлiс верстьööс бурдöдысьлы, бöръя вояссö уколасянiнын. Танi йöзыс бергöдчö уна, торйöн нин тулыс-арын, кор висьöм босьтö тшöкыдджыка, луннас волöны морт 20-öдз. Оз сöмын немдiнсаяс, но и мыссаяс, парчсаяс да весиг лебежнöйсаяс.
— Бурдöдам ставнысö, ог öтдортöй, — висьталiс Галина Ивановна. — Водзтi бурдöдчанiнын вöлi суткися куйланiн, сэсся лоис сöмын лунся, но бырöдiсны и сiйöс. Уколасянiнлöн öнi капельницаяс вöчалан кык жыр, кöнi сизим койка. Висьысьяс аскöдныс вайöны врачöн ли фельдшерöн индöм бурдöдчанторъяс, шприцъяс да мукöдтор.
— Галина Ивановна зэв кывкутысь, сьöлöмсяньыс тöждысьö висьысьяс вöсна. Йöз ошкöны сiйöс: небыд кияснас кокниа вöчö уколъяс кöть капельницаяс, — ошкис аньöс Немдiнса бурдöдчанiнöн веськöдлысь Анастасия Андреевна Игнатова.
Уна во бура уджалöмысь Галина Ивановналы бурдöдан министерство вичмöдiс аттьöалан гижöд.
Сетчис медицинаö и Станислав пиыс. Сiйö фельдшер. Коймöд во уджалö Парчса бурдöдчанiнын. Могмöдö и лебежнöйсаясöс. Олö Немдiнын да быд лун ветлöдлö сэтчö аслас машинаöн. Сьöкыда висьысь дорö дась петны и войнас. Эня-пиаöс немдiнсаяс и орчча сиктъясын олысьяс пыдди пуктöны йöз вöсна ыджыд тöждлунысь.
Гижöд да снимок
Галина НЕСТЕРОВАЛÖН.

Комментарии:

Добавить комментарий

Свежий выпуск: 28 марта

Осторожно — мошенники!