ВЫЛЬТОРЪЯС

[ A+ ] /[ A- ]

Туйяс да посъяс йылысь сёрни

Октябр 24 лунö районö волiсны республикаса стрöитчан, тарифъяс, жилищно-коммунальнöй да туй овмöс министрöс вежысь Э.В.Слабиков да «Коми республикаса автомобильнöй туйяслöн управление» котырöн веськöдлысь В.А.Пронин.

Найö да районса администрацияöн веськöдлысь С.В.Рубан, сiйöс вежысь В.В.Бадьин да республикаса юралысьлöн районын общественнöй примитанiнöн веськöдлысь А.А.Кузнецова ветлiсны Пожöгö, видзöдлiсны понтон пос вöчöм, пыравлiсны вужвыйöн дзоньталöм ломтысянiнö, Пожöгса культура керкаын аддзысьлiсны уджалан котыръясöн веськöдлысьяскöд да депутатъяскöд, вочавидзисны юалöмъяс вылö.

Юрсиктын шöр библиотека бердын юöртан шöринын Э.В.Слабиков, В.А.Пронин да районса администрацияысь туйяс кузя удж юкöнöн веськöдлысь В.Д.Шебырев телефона веськыд йитöд дырйи вочавидзисны йöзлöн юалöмъяс вылö.

Зуралiс олöма мортöс

Октябр 24 лунö 14 гöгöр часын «Берёзка» вузасянiн дорын туй вылын вöлi неминуча.

«Лада Гранта» машина шуйгавылö кежигöн зуралiс туй боктi подöн мунысь олöма мортöс, кодi доймалiс, сiйöс нуисны бурдöдчанiнö.

Водитель вöлi садь. Таво сiйöс квайтысь нин кыскылiсны административнöй кывкутöмö.

Ветеранъяс — «Ветеранлöн» лист бокын

Июньын Ичöт Аныбын «Ошлöн вöр» шойччанiнын мунiс олöма йöзлöн чукöртчылöм, кытчö волiсны республика пасьтаысь ветеранъяс.

Юксисны мöвпъясöн, висьталiсны, мый вöчны асланыс сикт-каръясын. Вöлi ыджыд концерт, кöнi петкöдлiсны 50-ысь унджык номер. Гаж вылö волiс ветеранъяслöн республикаса сöветын уджалысь Л.Некрасова. Сiйö гижис тайö чукöртчылöм йылысь да мöдöдiс Москваö. И со воис юöр, мый форумвывса фото йöзöдаöмаöсь Москваса «Ветеран» газетлöн медводдза лист бокын. Нимкодь, мый районса олöма йöз нималöны Россия пасьта.

Туясьöм — вылi тшупöдын

Некымын гожöм нин районын уджалö вöр-ва вöсна тöждысьысьяслöн «Мырпом» гожся лагер.

Районса челядь сэнi ёнмöдчöны, шойччöны да нöшта на и велöдчöны. Налы сетöны тöдöмлунъяс, кыдзи видзны вöр-ва, тöждысьны миянöс кытшалысь мичлун вöсна. Таво гожöм волiс вöр-валöн озырлунъяс, сiйöс да гöгöртас видзöм кузя министр Р.В.Полшведкин.

Челядьлысь вöр-ва дорйöм кузя туялан уджъяс, кодъясöс гижисны лагерö волiгöн, мöдöдiсны школаса лесничествояс да экология котыръяс творчестволöн «Ловъя планета» регионъяскостса восьса фестиваль вылö Тюменьö.

Туялан уджъяс юкöнын «Мырпом» лоис медводзын, сылы вичмис медводдза тшупöда диплом.

Комментарии:

Добавить комментарий

Свежий выпуск: 28 марта

Осторожно — мошенники!