Ноябр помын армияын служитöм бöрын Шöръягö локтiс И.Н.Пахомов, кöнi сiйöс виччысисны Зинаида Аипаловна да Николай Валерьянович бать-мамыс, Оксана Николаевна гöтырыс да Надежда нылыс.
Иван Николаевич Шöръягса школаысь 9 класс помалöм бöрын велöдчис Сыктывкарса целлюлозно-бумажнöй техникумын электромеханикö. Армияöдз гöтрасис. Емваса призывнöй пунктын тöдмалiс нылыслöн чужöм йылысь. Зон веськалiс Плесецкö, ракетнöй войскаö. Бура служитöмысь сетiсны ефрейтор звание, лоис коймöд класса специалистöн.
— Гортö локтöм водзын лэдзим космосö спутник, — висьталiс И.Н.Пахомов. — Волiс весиг обороналöн министр Сергей Шойгу. Бура спутник лэдзöмысь ставнымöс аттьöалiс. Обороналöн министрöс аддзылi матысянь. Öнi на быттьö син водзын.
Служитiгкостi нылыс быдмыштöма, ветлöдлö ас кокöн. Государство во чöж отсалiс гöтырыслы ― мынтiс сьöм.
И.Н.Пахомов выль воöдз кöсйö шойччыштны, а сы бöрын корсьны удж.