Ульяна сиктысь Маргарита Александровна Есева кык во нин овмöдчöминса депутат. Оз пукав гортас, пыр мыйкö вöчö. Зэв казьтыланаöн колисны Победа да Ульяналы сиöм лунъяс пасйöм. Победа лун пасйигöн выльторйöн лоис сiйö, мый Маргарита Александровна вöзйöмöн греча рок вайисны эз Озъягысь, а пуисны Ульянаын. Депутатлöн водзмöстчöмöн кыпыда артмис и сиктлысь лун пасйöм. Ыджыд бурторйöн лоис сiйö, мый видз-му овмöсса министерстволöн отсöгöн вичмöдiсны челядьлы ворсанiн вöчöм могысь сьöм. Сiйöс локтан воын лöсьöдасны асьныс.

Нырччö ёна вöчны туй да ывлавывса би, но эз на артмы.

— Ме шойччöг вылö петтöдз вузаси Ульянаса лавкаын да пуси Озъягса садйын. Öнi гортын весь ог жö пукав. Кöсъя лоны йöзлы коланаöн, вайны налöн олöмö мыйкö буртор. Гортын ёна пöжася, кыся да вышивайтча, — висьталiс ас йывсьыс Маргарита Александровна.

Гижöд да снимок Галина КЛЮЖЕВАЛÖН.