Видзöмысь лэдзчысьöны 

[ A+ ] /[ A- ]

Дзольса администрацияöс, кöнi уджалöны нёльöн, кöсйöны öтувтны Зимстансакöд. 
Сы вöсна мый танi йöз лыд и скöт öтарö чинö, му-видз вöрсялö, кöлысьяс оз юргыны. Сiдз, пенсия вылö петöмкöд йитöдын во помын кöсйö дугдыны фермералöмысь Валентина Вениаминовна Логинова, кодлöн талун кежлö колис сöмын öти мöс да куканьяс. 
Фермеравны колясны сöмын Эдуард Витальевич Логинов (сылöн 5 мöс да 9 кукань), кодлы вöдитчыны вичмöдiс трактор «Монди» да администрациякöд сёрнитчöм серти весалö лымйысь тöвнас сиктса ветланiнъяс, а сiдзжö Вера Всеволодовна Ковалёва, кодлöн кык мöс да нёль кукань. 
Сиктын абу некутшöм уджалысь котыр, йöз ветлöны Зимстанöдз, Кулöмдiнöдз да карöдз кыдз веськалö, а öд быттьö неважöн на ставыс вöлi.


Комментарии:

Добавить комментарий

Свежий выпуск: за 8 ноября