Декабр 9 лунö Сыктыв районса Визинын мунiс том сьылысьяслöн да ворсысьяслöн районъяскостса ордйысьöм. Волiсны Визинысь, Абъячойысь, Койгортысь, Пажгаысь, Гöрд Затонысь, Кöрткерöсысь, Выльгортысь, Ижмаысь.
Миян районысь Сигуте Антано Гайгалайте велöдысьыскöд петкöдчисны челядьлöн шылада велöданiнысь Денис Самарин да Артемий Дядечко. Инструментъясöн ворсысь котыръяс лыдын найö лоисны медводдзаöн. Аккордеонöн ворсöм медвылö донъялiсны Артемий Дядечколысь, Денис Самарин лоис мöдöн. Аттьöалан гижöдъяс вичмисны и Сигуте Антано Гайгалайте велöдысьлы да шылад велöданiнса директор Елена Владимировна Морозовалы.
Денис Самарин мöд во нин босьтö республикаса правительстволысь сьöма отсöг. Тавосянь сiйö вичмис и Артемий Дядечколы.
Галина КЛЮЖЕВА.
Снимок вылын: велöдысь том ворсысьяскöд.