Велöдчанiнъяс бöръян ярмарка

[ A+ ] /[ A- ]

Кулöмдiнса шöр школаын мунiс DSC02549а. Волiс районса 20 школаысь 9-11-öд классъясса матö 330 велöдчысь. Накöд аддзысьлiсны шöр да вылыс тшупöда республикаса велöдчанiнъясысь специалистъяс, тöдмöдiсны, кутшöм профессия позьö босьтны.
Том йöзöс вочаалiгöн районса юралысь Д.А.Шатохин пасйис, мый талун районын колöны видз-му овмöс юкöнын уджалысьяс, велöдысьяс — физикъяс, математикъяс, информатикъяс, физкультура нуöдысьяс. Бöръяясыс сыкöд йитöдын, мый юрсиктын кыпалас спорт шöрин, и ковмасны специалистъяс. Öнi уджалöны сы вылын, медым бура велöдчысьяслы вичмöдны районса администрациясянь стипендияяс. Корис том специалистъясöс бöр локны районö.
Ныв-зон пыдiсянь тöдмасисны бöрйöм велöдчанiнъясöн. Кодъяслы вöлi сьöкыд бöрйыны колана профессия да велöдчанiн, налы тестъяс нуöдöмöн отсалiсны психологъяс. Медся унаöн тöдмасисны Сыктывкарса госуниверситетöн, Коми государственнöй пединститутöн, вöр институтöн да 15-öд номера училищелöн Кебанъёльса филиалöн. Бöръяас талун велöдöны пач тэчысьясö, автомеханикö да вöрса техникаöн уджалан машинистö. Локтан восянь кутасны дасьтыны и шöрасьысь-вурсьысьясöс.
Снимок вылын: Ручысь Евгений Расов кöсйö лоны пач тэчысьöн.

Комментарии:

Добавить комментарий

Свежий выпуск: за 13 февраля