Варччанiн юрсиктын оз ло
Август 17-öд лунö «веськыд йитöд» дырйи юалöмъяс вылö вочавидзис физическöй культура да спорт кузя министр Н.М.Бережной (снимок вылын). Шыöдчылiсны Помöсдiнса, Донса да Кулöмдiнса олысьяс.
— Збыль-ö Кулöмдiнын кöсйöны вöчны варччанiн?
— Сiйö зэв дона. Колö медводз бура мöвпыштлыны, вештас-ö сiйö асьсö. Варччанiн Кулöмдiнын öдвакö лоас.
— Кыдзи вöчöны лыжероллерöн котраланiн?
— Котраланiнсö зэв кыпыда восьтiсны талун. Весиг волiс нималана спортсмен А.В.Нутрихин. Мунiсны медводдза ордйысьöмъяс. Ме серти, ставсö вöчисны бура. Верманныд ветлыны сэтчö челядьныдкöд. Регыд восьтасны лыжи база.
— Ме веськöдла «Дзоньвидзалун» котырöн, кодлы регыд тырас 10 во. Тшöкыда ветлывлам Кöрткерöсö, а найö волывлöны миян дорö. Но зэв сьöкыд сьöмöн, абу оборудование да ог вермöй найöс бура вочаавны. А налöн пыр пусьöма, дасьтысьöма.
— Тöдмала да вöлисти вочавидза.
— Оз вичмöдны сьöм спортсменъясöс ордйысьны нуöм вылö.
— Автобус сетны ог вермöй. Лöсьöдöй йитöд велöдан юкöнкöд.
Министрлы вöзйисны бурмöдны ордйысьöмъяс донъялöм, тöдчана-джык отсöг сетны медбур ворсысьяслы да ветеранъяслы.
Гижöд да снимок Галина КЛЮЖЕВАЛÖН.
Комментарии: