Валентина Борисовна Шахова видз-му овмöсын 29 во.

[ A+ ] /[ A- ]

 Агрономö велöдчöм бöрын пырис уджавны Пожöгса совхозö. 2001 восянь агрономалiс совхоз пыдди котыртчöм кооперативын, а сэсся кöкъямыс во веськöдлiс кооперативлöн правлениеöн. Кывкутöмöн боьтчис уджö, ас вылас босьтiс шогмытöм скöт картаяс, киссьöм техникаа овмöс. Кымын узьтöм вой кольлiс страдна кадъясö.Но аньлöн нырччöмöн да зiльöмöн овмöс вуджис медся сьöкыдсö. Öнi Валентина Борисовна кооператив правлениеса веськöдлысьöс вежысь. Став тöдчана уджыс сы сайын. Сылöн котралöмöн-корсьысьöмöн да водзмöстчöмöн выльмöдiсны кöрым заптан техника да 2013 восянь гöрддзымъяс гартöны плёнкаöн. Сiйö жö воын Пожöгдiнын босьтчисны кыпöдны 200 мöслы скöт карта да 2016 воын пырисны сэтчö. Öнi оз нин ки помысь пыртлыны турун да вердчыны, ставсö механизируйтöма. Выльмöдiсны оборудование вый вöчанiнын. Пожöгсаясöн вöчöм вый нималö оз сöмын районын, но республикаын. Вöчöны и йöв, и нöк, и рысь. 2015 воын Пожöгдiнын восьтiсны начкысянiн. Пасъям, Пожöг вожын «Пожöг» кооператив медся ыджыд уджалан котыр, уджöн могмöдö сэтчöс олысьясöс, вöлöга иналö оз сöмын районын, но и юркарын, кöнi пыр петкöдчö видз-му овмöс ярмаркаяс вылын. 
Марина ДАДАШОВА. 
Снимок Анастасия ЯРОВАЛÖН.


Комментарии:

Добавить комментарий

Свежий выпуск: за 23 ноября