Туялö прокуратура

[ A+ ] /[ A- ]

Кулöмдiн районса прокуратура видлалiс суд приставъяслöн районса юкöнöн веськöдлысьлысь могъяс олöмö пöртысьлысь исполнительнöй производство панöм йылысь абу збыль постановлениеöн вöдитчöм кузя шыöдчöм. Шыöдчöм видлалiгöн лоис тöдса, мый Кулöмдiнса почтамтö воис исполнительнöй производство панöм йылысь документ, код серти öткымын мортлöн пенсияясысь да социальнöй вештысьöмъясысь сьöм колiс вуджöдны öти предпринимательлы. Документсö лöсьöдöмаöсь суд приставъяслöн бланок вылын, налысь реквизитъяс индöмöн. Бумагсö бурджыка видлалöм бöрын казялiсны, мый тайö ылöг документ, сы вöсна мый оз лöсяв збыльвывса документлы, оз лöсявны и реквизитъяс.
Шыöдчöм видлалiгöн прокуратура тöдмалiс, мый предприниматель, вöлöмкö, сеталö ньöбасьысьяслы сёян-юан уджйöзöн. Сэкжö йöз эз тэрмасьны бергöдны водзöссö босьтöм тöварысь.
Уджйöз бергöдöм могысь предприниматель эз шыöдчы судö, а, Российскöй законодательство торкöмöн, компьютер вылын лöсьöдiс суд пристав-исполнительлысь корöм, медым уджйöзсö перйисны почта юкöнса уджалысьяс йöзлöн пенсияясысь да социальнöй вештысьöмъясысь да вуджöдiсны сылы. Тайö корöмсö мöдöдiс почта вылö, медым пöртiсны олöмö. Сэкжö предприниматель оз ло суд приставöн, сылöн абу право лöсьöдны татшöм документ.
Сы вöсна мый суд пристав-исполнительлöн индöд лоö официальнöй документöн, кодi кыскö ас бöрсяыс торъя правояс да могъяс, районса прокуратура мöдöдiс видлалöм кузя материалъяс туялан юкöнö, медым кыскыны мыжаöс уголовнöй кывкутöмö.
2013 вося сентябр 4 лунö пытшкöсса делöяс министерстволöн Кулöмдiн районса юкöнысь туялан юкöн панiс предприниматель вылö уголовнöй делö, кодöс мыждöны Российскöй Федерацияса уголовнöй кодексысь 327 статьяса 1 юкöн серти (официальнöй документ подделайтöм). Öнi туясян юкöн ставсö тыр-бура тöдмалö.
Андрей Скворцов,
районса прокурорöс вежысь.

Комментарии:

Добавить комментарий

Свежий выпуск: 28 марта

Осторожно — мошенники!