Ханверди Гаджимурадович Исрафиловöс районын бура тöдöны спорткöд ёртасьысьяс. Кызь во сайын Дагестанысь воöм морт 17 во нин сöвмöдö спорт. Пуктiс подув залын футболысь ворсöмлы. Сылöн кубок вылö ордйысьöны нин 15 во. Пырö футболысь ворсысьяслöн районса федерацияö, кодöн юрнуöдö районса юралысь Д.А.Шатохин. Котыр ветлiс нин Озъягö, кöнi велöдчисны да ворсiсны. Кутасны ветлыны и мукöдлаö.
Кебанъёльса спортзалын велöдö ворсны и баскетболысь. Сылöн котыръяс пыр вермысьяс лыдынöсь. Быдтасъясыс пырöны и районса öтувъя котырö. Томъяс ёртасьöны спорткöд водзö велöдчигöн да уджалiгöн.
-Кебанъёльын зэв водзмöстчысьöсь да кокниа кыпалысьöсь и челядь, томъяс, верстьö. Спорт öтувтö ставнысö, быдмысь войтырöс видзö лёкö сетчöмысь, — кывкöртiс Х.Г.Исрафилов.
Гижöд да снимок Марина Дадашовалöн.