Том йöзлы вичмис отсöг

[ A+ ] /[ A- ]


Март 21 лунö районса администрацияöн веськöдлысь С.В.Рубан вичмöдiс Донысь В.В.Павловлöн да Кулöмдiнысь Е.В.Третьяковалöн семьяяслы оланiн кыпöдöм могысь сьöма социальнöй отсöг сетан свидетельствояс.
— Бöръя воясын кöть федерациясянь да республикасянь районö сьöм кутiс воны этшаджык, векжö керка кыпöдысь том семьяяслы да том специалистъяслы отсöг мыйтакö содiс, — том семьяяслы свидетельствояс сетiгöн да кыпыд лоöмторйöн чолöмалiгöн тöдчöдiс С.В.Рубан да сиис кыпöдны бур керкаяс да овны сэнi шудаа.
Тайö отсöгыс вичмис видз-му овмöс да могмöдан рынок сöвмöдöм кузя государстволöн программа серти. Татшöм öтсöгсö виччысьö талун районын сё сайö морт. Тайö кык семьяыслы отсöг вичмис сы вöсна, мый налöн кöзяинъяс кутöны крестьянин овмöсъяс, видз-му овмöс сöвмöдöмö пуктöны тöдчана пай. Отсöгыс керкалöн донысь матö 70 процент — 1,5 миллион сайö шайт. Тайö семьяясыслöн керкаясныс вевт улынöсь нин, колис вöчны пытшкöссö.
Министерстволöн отсöгöн юрсиктын керкаяс кыпаласны и водзö. 2017 воын тайö программа серти отсöг вичмис 6 семьялы, матö 8,3 миллион шайт. Нöшта отсалiсны 4 мортлы, кодъяслöн керкаыс дась джынвыйö.
Галина НЕСТЕРОВА.
Гижысьлöн снимок вылын:
В.В.Павловлы да Е.В.Третьяковалы свидетельствояс сетiгöн.


Комментарии:

Добавить комментарий

Свежий выпуск: за 20 сентября