В.Д.Напалковлы вöр-ва дорö муслун чужтiс Дмитрий Егорович батьыс, кодi писö дзолясяньыс босьтлiс аскöдыс вöр керкаö. Батя-пиа öтлаын кыйисны чери, ветлiсны чöс туйöд. И нинöм чуйманаыс эз вöв, кор Кулöмдiнса шöр школа помалöм бöрын Василий Дмитриевич пырис велöдчыны Сыктывкарса вöр институтö да босьтiс инженер-экологлысь специальносьт. Институт бöрын служитiс армияын. Во уджалiс юркарын Роспотребнадзорын. Но кыскис Кулöмдiн гöгöрса вöр-ва. Во уджалiс республикаса военкоматлöн районса юкöнын. Кор нуöдiсны вöр-ва видзан районса комитетö государственнöй инспектор должносьт вылö конкурс, сюртчис сэтчö да вермис 8 морт пиын.
— Менам ичöтсянь вöлi мöвп — босьтны специальносьт, кодi йитчöма вöр-вакöд. — висьталiс В.Д.Напалков. — Кöсйöмöй збыльмис. Аддзи сьöлöм серти удж. Котыр вочаалiс бура. Таысь зэв нимкодь.