Таво Пожöгысь Ангелина Шахова гöрд дипломöн помалiс Евгений Вахтангов нима театрлöн госакадемия бердын Борис Щукин нима театрлысь институт.
Содтöд велöдчис нималан артист Василий Лановойлöн кафедраын. Лоис эз сöмын театрын да киноын, но и эстрадаын ворсысьöн.
Ангелинаöс бура тöдöны оз сöмын районын, но и республикаын. Гимназияын велöдчигöн «Юрган» телеканалын нуöдiс «Чоя-вока» передача, велöдiс сёрнитны комиöн, тöдмöдiс коми оласногöн да мукöдторйöн, петкöдчис гажъясын.
— 5-9 классъясын велöдчи гимназияын, а школа помалi чужанiнын. Öтчыд батьöй аддзис юöр, мый шылада драма театр чукöртö том йöзöс велöдны Москваын. Сям донъялiгöн сьылi комиöн и рочöн, висьталi кывбур да басня. Москваö мунiм велöдчыны дасöн, — висьталiс Ангелина.
Велöдчысьяслöн котыр волiс Сыктывкарö. Театрын петкöдлiс Александр Островскийлöн «Поздняя любовь», Калистрат Жаковлöн «Биармия», финн гижысь Нискавуорилöн «Молодая хозяйка» гижöдъяс серти ворсöмъяс. Тайö вöлi и велöдчанiн помалiгöн удж.
Ангелина кутас ворсны театрын сентябрсянь.
Марина ДАДАШОВА.
Снимок Ангелина Шаховалöн чукöртöмысь.
Комментарии: